Video : लाडक्या लेकाची दिवाळी सुट्टी संपली…; ‘अप्पी आमची कलेक्टर’ मालिकेतील छोट्या सिम्बाच्या आईला अश्रू अनावर

‘अप्पी आमची कलेक्टर’ या मालिकेत साईराजने ( Sairaj Kendre ) अमोल ऊर्फ सिम्बा हे पात्र साकारलं आहे. मालिकेत प्रेक्षकांना सात वर्षांचा लीप पाहायला मिळाला आणि त्यानंतर साईराजची एन्ट्री झाली होती. त्याचे निरागस हावभाव, दमदार अभिनय यामुळे मालिकेच्या टीआरपीवर देखील सकारात्मक परिणाम झाला. या चिमुकल्याला घराघरांत पसंती मिळाली. पण, मालिकेच्या शूटिंगनिमित्त या लहानग्या सिम्बाला आपल्या आईपासून दूर राहावं लागतं.

हेही वाचा : गळ्यात मंगळसूत्र, हातात हिरवा चुडा अन्…; ‘फँड्री’तील जब्या-शालूचा नवा फोटो चर्चेत; नेटकरी म्हणाले, “खरंच लग्न झालं का…”

नुकताच दिवाळीच्या सुट्टीनिमित्त साईराज ( Sairaj Kendre ) आपल्या मूळ घरी परतला होता. मात्र, आता शूटिंगच्या सेटवर तो पुन्हा एकदा येण्यासाठी सज्ज झाला आहे. आपल्या वडिलांबरोबर घरातून निघताना साईराज आपल्या आईला मिठी मारून हमसून हमसून रडल्याचं पाहायला मिळालं. त्याच्या इन्स्टाग्रामवर हा व्हिडीओ शेअर करण्यात आला आहे. “दिवाळीच्या सुट्ट्या संपल्या आणि आईला सोडून राहण्याचा पहिला प्रवास सुरू झाला” असं कॅप्शन या व्हिडीओला देण्यात आलं आहे.

नेटकऱ्यांनी या व्हिडीओवर लाइक्स अन् कमेंट्सचा पाऊस पाडला आहे. “बाळा तुझं काम खूप छान आहे. तू तुझ्या आई-बाबांचा आणि आम्हा सर्वांचा पण लाडका आहेस”, “साईराज तुला खूप मोठं व्हायचं आहे ना”, “सिम्बा रडताना चांगला नाही दिसत हसत राहा”, “अरे तुला पाहून आम्हाला पण रडू येतंय”, “आई ती आई असते” अशा प्रतिक्रिया नेटकऱ्यांनी या व्हिडीओवर केल्या आहेत. आई आणि लेकाचं प्रेम पाहून प्रत्येकाचं मन भरून आलं आहे.

हेही वाचा : Video : सूरजसह गावच्या शेतात रमली जान्हवी किल्लेकर! चक्क ट्रॅक्टरही चालवला; नेटकरी म्हणाले, “भावा-बहिणीचं नातं…”

दरम्यान, नुकत्याच पार पडलेल्या ‘झी मराठी पुरस्कार’ सोहळ्यात साईराजला ( Sairaj Kendre ) सर्वोत्कृष्ट बालकलाकाराचा पुरस्कार मिळाला होता. त्याच्या अभिनयाचं नेहमीच प्रेक्षकांकडून कौतुक करण्यात येतं.