‘महाराष्ट्राची हास्यजत्रा’ हा छोट्या पडद्यावरील अत्यंत लोकप्रिय कार्यक्रम आहे. कलाकारांना या कार्यक्रमाने नवी ओळख मिळाली. प्रेक्षक या कार्यक्रमातील सर्वच कलाकारांवर भरभरून प्रेम करत असतात. या कार्यक्रमातील सर्व कलाकारांबद्दल जाणून घेण्यासाठी प्रेक्षक फार उत्सुक असतात. कलाकारही एकमेकांच्या गमतीजमती शेअर करत असतात. तर आता समीर चौघुले यांनी नम्रता संभेरावबद्दलचं एक गुपित शेअर केलं आहे.
‘महाराष्ट्राची हास्यजत्रा’तील सर्व कलाकारांमध्ये खूप चांगलं बॉंडिंग आहे. ते नेहमीच एकमेकांची थट्टा मस्करी करत असतात. आता समीर चौघुले यांनी नम्रता संबेराव कलाकारांच्या अपक्ष त्यांचे मोबाईल फोन वापरते असं म्हणत ती त्यावर काय करते हे सांगितलं.
नुकत्याच दिलेल्या एक मुलाखतीत त्यांना त्यांच्या सह कलाकारांना उपमा द्यायच्या होत्या. त्यात नखरे हा शब्द आल्यावर ते म्हणाले, “ही नम्रता असू शकते. नमाचे नखरे असे असतात की काहीही कारण नसताना आणि आमचं लक्ष नसताना तुमचा मोबाईल घेते त्यावरून फेसबुकवर जाते आणि स्वतःच्या फोटोंवर ऑसम अशी कमेंट करते. हे तिने केलेलं आहे.” त्यामुळे समीर यांच्या या बोलण्यावर नम्रताची प्रतिक्रिया काय असणार याकडे चाहत्यांचं लक्ष लागलं आहे.
