मालिकांच्या सेटवरचे कलाकार तासन् तास सलग शूटिंग करत असतात. यामुळे या कलाकारांमध्ये एक वेगळं नातं तयार होतं. सध्या लोकप्रिय मालिकेच्या सेटवरचा असाच एक व्हिडीओ सोशल मीडियावर व्हायरल होत आहे.
हेही वाचा : “शिक्षा भोगणं…”, संजय दत्तला आठवले तुरुंगातील दिवस; म्हणाला, “ग्रंथ वाचन, स्वयंपाक अन्…”
गेल्या महिन्यात झी मराठी वाहिनीवर ‘सारं काही तिच्यासाठी’ ही नवी मालिका प्रेक्षकांच्या भेटीला आली. यामध्ये अभिनेत्री खुशबू तावडेने महत्त्वाची भूमिका साकारली आहे. अलीकडेच खुशबूने मालिकेच्या सेटवरील पडद्यामागचा व्हिडीओ शेअर करत सर्वांचं लक्ष वेधून घेतलं आहे.
हेही वाचा : “त्याने त्याचा जीव का घेतला हे…”, रिया चक्रवर्तीचे सुशांतच्या मृत्यूवर भाष्य; म्हणाली, “मला काळी जादू…”
‘सारं काही तिच्यासाठी’ या मालिकेत सध्या अनेक रंजक वळणं येत आहेत. संध्यांच्या जाण्याने ओवी परदेशातून परत आली असून, उमाच्या घरच्यांना ही गोष्ट मान्य नाही असं कथानक सध्या मालिकेत सुरू आहे. ओवीचं घरात येणं ऑनस्क्रीन जरी उमाच्या घरच्यांना मान्य नसलं तरी, ऑफस्क्रीन मात्र या कलाकारांमध्ये फारचं सुंदर बॉण्डिंग असल्याचं पाहायला मिळत आहे. अभिनेत्री खुशबू तावडेने नुकताच सगळे कलाकार पंगतीला एकत्र बसून जेवणाचा आस्वाद घेत असल्याचा BTS व्हिडीओ सोशल मीडियावर शेअर केला आहे.
हेही वाचा : Video: ‘ठरलं तर मग’ फेम जुई गडकरी मालिकेच्या सेटवर २ ते ४ काय करते? पाहा…
खुशबूने शेअर केलेल्या व्हिडीओमध्ये कोकणातील पारंपरिक संस्कृती, केळीच्या पानावरचं जेवणं याची झलक पाहायला मिळत आहे. कोकणात आजही सारवलेल्या जमिनीवर बसून सगळेजण पंगतीत जेवतात. अगदी त्याचप्रमाणे या सेटवरच्या सगळ्या अभिनेत्री केळीच्या पानावर जेवणाचा आस्वाद घेत असल्याचं या पडद्यामागच्या व्हिडीओमध्ये दिसत आहे. खुशबूने या व्हिडीओला “जेवूक येवा” असं मालवणी कॅप्शन दिलं आहे. दरम्यान, अभिनेत्रीने शेअर केलेल्या व्हिडीओवर नेटकऱ्यांनी कौतुकाचा वर्षाव केला आहे.
