‘स्टार प्रवाह’ वाहिनीवरील मालिका या लोकप्रियतेच्या शिखरावर आहेत. त्यापैकी एक म्हणजे ‘मन धागा धागा जोडते नवा’ मालिका. काही महिन्यांपूर्वी सुरू झालेल्या या मालिकेने प्रेक्षकांच्या मनात अल्पावधीत घर निर्माण केलं आहे. आनंदी आणि सार्थकची केमिस्ट्री प्रेक्षकांच्या चांगलीच पसंतीस पडली आहे. त्यामुळे टीआरपीच्या यादीत मालिका पहिल्या १० मध्ये आहे.
मालिकेत सध्या आनंदी सार्थकीची दुरावलेली नाती जोडण्यासाठी त्याच्या घरी राहायला गेली आहे. त्यामुळे तिचा एका बाजूला अपमान होताना पाहायला मिळत आहे. तर दुसऱ्या बाजूला तिची आणि सार्थकीची केमिस्ट्री देखील पाहायला मिळत आहे.
आनंदी आणि सार्थकचा एक व्हिडीओ समोर आला आहे. ज्यामध्ये सार्थक आनंदीसाठी खास उखाणा घेताना दिसत आहे. सार्थक म्हणतो की, “अपूर्ण होतो, तुझ्या येण्याने पूर्ण झालो. वचन देतो, सुखाचा करील संसार, फक्त तुझा माझ्या प्रेमावर विश्वास हवा, आनंदीचं नाव घेतो मन धागा धागा जोडते नवा” सार्थकच्या या उखाण्याचा व्हिडीओ ‘स्टार सीरियल मराठी’ या इन्स्टाग्राम पेजवर शेअर करण्यात आला आहे.
हेही वाचा – आता ‘या’मध्येही मारली ‘ठरलं तर मग’ मालिकेने बाजी; ‘प्रेमाची गोष्ट’ला…
हेही वाचा – Video: ‘प्रेमाची गोष्ट’ फेम तेजश्री प्रधानने शुभांगी गोखलेंची केली नक्कल; पाहा व्हिडीओ
दरम्यान, ‘मन धागा धागा जोडते नवा’ या मालिकेतील आनंदीची भूमिका अभिनेत्री दिव्या सुभाषने साकारली आहे. तसेच या मालिकेत सार्थकची भूमिका अभिषेक रहाळकर याने साकारली आहे. याशिवाय या मालिकेत राजश्री निकम, शुभांगी लाटकर, रमेश वाणी असे बरेच कलाकार मंडळी महत्त्वाच्या भूमिकेत पाहायला मिळत आहेत.
