‘ठरलं तर मग’ मालिकेतून आणखी एक एक्झिट; ‘या’ ज्येष्ठ कलाकाराच्या जागी दिसणार ‘आई कुठे काय करते’ फेम अभिनेता

हेही वाचा – “मला ‘हे’ दुःख गेले चार-पाच दिवस सतावतंय…” क्रांती रेडकरचा नवा व्हिडीओ चर्चेत

‘ठरलं तर मग’ मालिकेत अभिनेत्री मिरा जगन्नाथ साक्षी ही भूमिका निभावत होती. पण मिरानं अचानक ही मालिका सोडली आहे. यामागचं अद्याप कारण स्पष्ट झालेलं नसून तिच्या जागी अभिनेत्री केतकी पालव आली आहे. आता मालिकेत साक्षीची भूमिका केतकी पालव निभावत आहे.

हेही वाचा – ‘हा’ अभिनेता साकारणार होता आनंद दिघेंची भूमिका, पण…; दिग्दर्शक प्रवीण तरडेंचा खुलासा

हे वृत्त ताजे असतानाच आता ‘ठरलं तर मग’ मालिकेतील साक्षीचे वडील महिपत ही भूमिका साकारणारे ज्येष्ठ अभिनेते माधव अभ्यंकरांनी सुद्धा प्रेक्षकांचा निरोप घेतला आहे. यामागचं कारण देखील अद्याप अस्पष्ट आहे. आता माधव अभ्यंकर यांच्या जागी ‘आई कुठे काय करते’ फेम अभिनेते मयूर खांडगे ‘महिपत’च्या भूमिकेत दिसणार आहेत.

हेही वाचा – “‘मुळशी पॅटर्न’ पाहिल्यावर कॉलर तोंडात पकडून कौतुक करणाऱ्या सलमानने…”, उपेंद्र लिमये यांचं विधान

मयूर खांडगे यांनी ‘आई कुठे काय करते’ या मालिकेत संजनाचा पूर्वाश्रमीचा पती ‘शेखर’ ही भूमिका साकारली होती. तसेच ते ‘शाब्बास सूनबाई’, ‘बाळूमामाच्या नावानं चांगभलं’ या मालिकेत झळकले होते.