चित्रपट, नाटक, मालिका, वेबसीरिज अशा चारही माध्यमांमध्ये अभिनेता शशांक केतकरने आपल्या अभिनयाचा ठसा उमटवला आहे. सध्या अभिनेता स्टार प्रवाह वाहिनीवरील ‘मुरांबा’ या मालिकेद्वारे प्रेक्षकांचं मनोरंजन करत आहे. शशांकने वैयक्तिक आयुष्यात ४ डिसेंबर २०१७ मध्ये त्याची मैत्रीण प्रियांका ढवळेबरोबर लग्न केलं. आज त्यांच्या लग्नाला ६ वर्षे पूर्ण झाली आहेत. या निमित्ताने शशांकने खास पोस्ट शेअर करत बायकोला लग्नाच्या वाढदिवसाच्या शुभेच्छा दिल्या आहेत.
लाडक्या बायकोला लग्नाच्या वाढदिवसाच्या शुभेच्छा देण्यासाठी शशांकने खास पोस्ट शेअर केली आहे. यात अभिनेता म्हणतो, “बायको Happy Anniversary! आज मी जो काही आहे…तो फक्त तुझ्यामुळे. तू माझ्यातील चिडक्या, भावुक, भांडणाऱ्या, व्यवहारी, अत्यंत तत्त्वनिष्ठ, कधी कधी खूप विचित्र वांगणाऱ्या, कधी कधी प्रचंड त्रास देणाऱ्या, मस्ती करणाऱ्या शशांकला कायम सांभाळून घेतेस. म्हणूनच म्हणतोय… तू आहेस म्हणून मी आहे.”
हेही वाचा : ‘आई कुठे काय करते’ फेम अनघाला मालिकेतील ‘या’ कलाकाराने दिलं हटके गिफ्ट! अभिनेत्री म्हणाली, “आणखी एक…”
शशांक केतकरने जुन्या मुलाखतींमध्ये सांगितल्यानुसार त्याची आणि प्रियांकाची ओळख फेसबुकवर झाली. दोघेही एकमेकांशी गप्पा मारायचे पण, कालांतराने शशांक कामात व्यग्र झाला आणि सोशल मीडियापासून दूर गेला. पुढे, एका कार्यक्रमात दोघांची पुन्हा एकदा भेट झाली. प्रियांका उत्तम भरत नाट्यम डान्सर असल्याने त्या स्पर्धेत तिने स्पर्धक म्हणून सहभाग घेतला होता. या निमित्ताने दोघांची नव्याने ओळख होऊन अखेर या मैत्रीचं रुपांतर प्रेमात झालं आणि शशांक-प्रियांकाने ४ डिसेंबर २०१७ रोजी लग्न केलं.
दरम्यान, शशांकने शेअर केलेल्या पोस्टवर नेटकऱ्यांसह त्यांचे चाहते शुभेच्छांचा वर्षाव करत आहेत. या जोडप्याला ऋग्वेद नावाचा मुलगा असून आता तो ३ वर्षांचा झाला आहे. शशांक-प्रियांकाने ऋग्वेदला सोशल मीडियापासून दूर ठेवण्याचा निर्णय घेतला आहे.
