“तो माझा…” एमसी स्टॅनने Bigg Boss 16 ची ट्रॉफी जिंकल्यावर शिव ठाकरेची पहिली प्रतिक्रिया; सलमान खानचाही उल्लेख

Bigg Boss 16 जिंकल्यावर एमसी स्टॅनची पहिली प्रतिक्रिया; मराठमोळ्या शिव ठाकरेचा उल्लेख करत म्हणाला…

बिग बॉसचा ग्रँड फिनाले झाल्यानंतर सर्व स्पर्धकांनी होस्ट सलमान खानबरोबर पार्टी केली. त्यावेळी सलमानबरोबर गप्पा मारल्या असं शिवने सांगितलं. तसेच सलमान खानला बघूनच मी बॉडी बनवली, असंही तो म्हणाला. बिग बॉस हिंदीमध्ये खूप मजा आली, मी अमरावतीच्या गल्लीतून इथपर्यंत पोहोचलो, हीच माझ्यासाठी मोठी गोष्ट असल्याचं तो म्हणाला.

पुण्यात मुस्लीम कुटुंबात जन्म अन् कव्वालीचं वेड; २३ व्या वर्षी Bigg Boss 16 जिंकणाऱ्या MC Stan बद्दल जाणून घ्या

यावेळी स्टॅनबद्दल शिवला प्रतिक्रिया विचारण्यात आली. “स्टॅन माझा भाऊ आहे. त्याचा ट्रॉफीवर हक्क आहे. त्याच्यावर जनतेचं आणि आमचं खूप प्रेम आहे,” असं शिव ठाकरे म्हणाला. ‘विरल भयानी’ने यांसदर्भात व्हिडीओ शेअर केला आहे.

दरम्यान, शिव ठाकरे ‘बिग बॉस १६’ चा ग्रँड फिनाले संपल्यानंतर घरी म्हणजेच अमरावतीच्या दिशेने रवाना झाला आहे. अमरावतीसारख्या लहान शहरातून आपली स्वप्न पूर्ण करण्यासाठी धडपडणाऱ्या शिव ठाकरेने यापूर्वी मराठी बिग बॉसदेखील जिंकलं होतं.