Video : “तू दे होकार, मला तेच…”, आशूची नाराजी दूर करण्याची शिवाची हटके स्टाईल; मालिकेत पुढे काय होणार?

आशूची नाराजी दूर करण्याची शिवाची हटके स्टाईल

झी मराठी वाहिनीने सोशल मीडियावर शिवा मालिकेचा एक प्रोमो शेअर केला आहे. या प्रोमोमध्ये नेहा शिवाला सांगते की, आशूच्या मनात अजूनही तुझ्याबद्दल प्रेम आहे; पण तो तुझ्यावर नाराज आहे. आपल्याला काहीही करून त्याचं मन वळवायला पाहिजे. शिवा तिला म्हणते की, माझ्याकडे भारी आयडिया आहे. प्रोमोमध्ये पुढे पाहायला मिळते की, शिवा व आशू समोरासमोर आले आहेत. आशू शिवाला म्हणतो, “हे काय आहे?, शिवा, तुला ना भीती वाटते की मी तिला होकार देईन.” त्यावर शिवा त्याला म्हणते, “तू दे होकार, मला तेच हवंय.” आशू तिला म्हणतो, “हे बघ शिवा, तू पस्तावशील.” शिवा म्हणते, “हो. दे ना होकार, ते तर लग्न करूनसुद्धा पस्तावले नाही.” आशू गाडीत बसत तिला म्हणतो, “आता दाखवतोच तुला.” शिवा त्याला ‘जा रे जा’ असे म्हणताना दिसत आहे. आशू तिथून गेल्यानंतर ती त्याच्यावर हसताना दिसत आहे.

हा प्रोमो शेअर करताना झी मराठी वाहिनीने, “हटके ‘शिवा’ स्टाईलने बदलेल का नाराज आशूचं मन?”, अशी कॅप्शन दिली आहे.

मालिकेत दाखविल्याप्रमाणे, शिवा व नेहा यांनी आशूची नाराजी दूर करण्यासाठी एकत्रितपणे एक प्लॅन बनविला आहे. त्यानुसार आशूचा मित्र, पाना गँग सगळेजण आशूला लग्नाच्या शुभेच्छा देताना दिसत आहेत. आशू व शिवाचे आता ज्या ठिकाणी भांडण झाले, त्याच ठिकाणी ते पहिल्यांदा भेटले होते.

हेही वाचा : “प्रयागराजच्या पवित्र भूमीवर…”, महाकुंभ मेळ्याला पोहोचला ‘हा’ मराठमोळा अभिनेता; नेटकरी म्हणाले, “भाग्यवान आहेस…”

आता आशूचे मन वळविण्यासाठी शिवा नक्की काय करणार, तिचा प्लॅन यशस्वी होणार का की नेहाबरोबरच्या लग्नाला आशू तयार होणार, हे पाहण्यासाठी प्रेक्षक उत्सुक आहेत.