“सगळे तिला खूप घाबरतात”; श्रेया बुगडे ज्येष्ठ अभिनेत्री उषा नाडकर्णींविषयी म्हणाली, “ती खूप प्रेमळ…”

श्रेया बुगडे ज्येष्ठ अभिनेत्री उषा नाडकर्णींविषयी म्हणाली, “ती खूप प्रेमळ…”

अभिनेत्री श्रेया बुगडेने नुकतीच ‘लोकशाही मराठी फ्रेंडली’ या यूट्यूब चॅनेलला मुलाखत दिली. या मुलाखतीत तिला उषा नाडकर्णी यांची मिमिक्री करण्यासाठी सांगितले, त्यावेळी श्रेयाने मिमिक्री करण्याआधी उषा नाडकर्णी यांच्याबद्दल म्हटले, “आऊचं विशेष प्रेम आहे माझ्यावर आणि मलासुद्धा ती खूप आवडते. खरंतर सगळे तिला खूप घाबरतात. सुरुवातीला माझ्या डोक्यातसुद्धा तिची प्रतिमा तशीच होती, पण ती खूप प्रेमळ आहे, मनाने प्रचंड निर्मळ आहे. मी तिची मिमिक्री करण्याची हिंमत केली. सगळ्यांनी मला म्हटलंदेखील की याला हिंमतच म्हटले पाहिजे. आता तिच्यासमोरदेखील बऱ्याचदा तिची मिमिक्री करण्याची वेळ आली, ती मी मनात भीती बाळगूनच करत असते”, असे श्रेयाने म्हटले आहे.

आणखी वाचा

‘भाग्य दिले तू मला’ फेम अभिनेत्री झळकणार ‘स्टार प्रवाह’च्या नव्या मालिकेत, प्रोमो शेअर करत म्हणाली, “कलाकार म्हणून कायमच…”

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

“लोक माझ्याकडे बोट दाखवायचे अन्…”, प्रसिद्ध अभिनेत्री घटस्फोटित आई-वडिलांना म्हणाली ‘हट्टी’

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

दिवंगत अभिनेत्री श्रीदेवी यांचं कौतुक करत विद्या बालनने व्यक्त केली इच्छा; म्हणाली, “मला त्यांना…”

Video: ‘सावळ्याची जणू सावली’मधील वीणा जगतापला ‘बिग बॉस मराठी’ फेम अभिनेत्रीने दिलं सुंदर गिफ्ट, व्हिडीओ शेअर करत म्हणाली, “माझी मोठी समस्या…”

“अंकिता आणि आमचे दाजी…”, वैभव चव्हाणने ‘कोकण हार्टेड गर्ल’बरोबरचे शेअर केले फोटो; नेटकरी म्हणाले, “विश्वास बसत नाही…”

मराठी अभिनेत्रीची लेक झाली ‘Apple’ कंपनीची ब्रँड अँबॅसेडर! आईसाठी अभिमानास्पद क्षण; म्हणाली, “लॉस एंजेलिस येथे…”

‘चला हवा येऊ द्या’ या कार्यक्रमात श्रेया अनेकांची मिमिक्री करताना दिसली होती. प्रेक्षकांना ते आवडल्याचेदेखील पाहायला मिळाले होते. उषा नाडकर्णी, ज्यांना आऊ म्हणून ओळखले जाते, त्यांची मिमिक्री विशेष गाजली. याबरोबरच श्रेयाने पत्रकार बरखा दत्त यांचीदेखील मिमिक्री केली होती. याविषयी बोलताना ते माझे आवडते पात्र होते, असे श्रेयाने म्हटले आहे.

हेही वाचा: लवकरच सोभिता धुलिपाला नागार्जुनच्या घरची होणार सून, लग्नाआधीच्या समारंभाला झाली सुरुवात

याबरोबरच, मी एखादी विनोदी भूमिका साकारावी, काम करावं अशी माझ्या आई-वडिलांची इच्छा होती. कधीतरी तुला विनोदी भूमिका मिळायला पाहिजे, असं आई म्हणायची, अशी आठवणदेखील श्रेयाने या मुलाखतीत सांगितली आहे.

दरम्यान, श्रेया बुगडेच्या कामाबाबतीत बोलायचे तर ‘बैरी पिया’, ‘थोडा है बस थोडे की जरूरत है’, अशा हिंदी मालिकेत तिने काम केले आहे. ‘एकाच ह्या जन्मी जणू’, ‘तू तिथे मी’, ‘माझे मन तुझे झाले’, ‘फू बाई फू’, अशा विविध मालिका आणि कार्यक्रमांतून अभिनेत्रीने प्रेक्षकांचे मनोरंजन केले आहे.