श्वेता शिंदेने भर रस्त्यात केलं महिलेचं बाळंतपण, ‘त्या’ थरारक प्रसंगाविषयी म्हणाली, “माझ्या ओढणीमध्ये…”

हेही वाचा : Video : श्रद्धा कपूरसमोर तुटली पापाराझीच्या महागड्या कॅमेऱ्याची लेन्स, पुढे अभिनेत्रीने दिलेलं आश्वासन ऐकून नेटकरी झाले थक्क

श्वेता शिंदे म्हणाली, “मी गाडीतून जात असताना रस्त्यात मला एक गरोदर बाई चालताना दिसली. तिच्याबरोबर तिची सासू किंवा आई असावी. त्या बाईकडे पाहताक्षणी मला कळलं की, तिला प्रसूतीवेदना सुरू झाल्या आहेत म्हणून मी लगेच थांबले कारण, तेव्हा मी स्वत: गरोदर होते. त्या दोघीही रस्त्यावर फेऱ्या मारत पुन्हा त्याच जागी येऊन बसल्या. मी आजूबाजूच्या लोकांकडे नेमकी ती बाई कुठे जातेय याबद्दल चौकशी केली.”

हेही वाचा : आठ महिन्यांची गरोदर असलेल्या लोकप्रिय अभिनेत्रीचं हृदयविकाराच्या झटक्यानं निधन; बाळावर आयसीयूमध्ये उपचार सुरू

श्वेता पुढे म्हणाली, “चौकशी केल्यावर मला समजलं की, एका सरकारी रुग्णालयात त्या गरोदर बाईला दाखल करून घेत नव्हते. तेव्हा मी सगळ्या लोकांना बडबडले आणि तिकडच्या सगळ्या बायकांना गोळा केलं. त्या बाईभोवती सगळ्या बायकांना वेढा घालायला सांगितलं. तेवढ्यात ती बाळंतीण झाली.”

हेही वाचा : ‘तुला शिकवीन चांगलाच धडा’च्या टीमने दणक्यात साजरा केला मास्तरीणबाईंचा वाढदिवस, फोटो शेअर करत शिवानीने दाखवली झलक, म्हणाली…

“त्या भागात कोणतीही सुविधा उपलब्ध नसताना त्या बाईला बाळ झालेलं होतं. अशा परिस्थितीत मी ते बाळ हातात घेतलं आणि त्या बाळाची नाळ दगडाने ठेचली. त्या बाळाला मी माझ्या ओढणीमध्ये गुंडाळून घेतलं. मला काहीच कळत नव्हतं…कारण, यापूर्वी मी असं केव्हाच अनुभवलं नव्हतं. त्यानंतर त्या संबंधित रुग्णालयात जाऊन मी सगळ्या डॉक्टरांना बडबडले… त्यांना तातडीने स्ट्रेचर आणायला सांगून त्या महिलेला रुग्णालयात दाखल केलं. तेथील कर्मचाऱ्यांनी मला सांगितलं मॅडम ती बाई वाचणार नव्हती तुम्ही हे कसं केलं? माझ्याकडे काहीच उत्तर नव्हतं. माझ्या घरच्यांना याबद्दल समजल्यावर त्यांना देखील माझं कौतुक वाटलं असे प्रसंग कधीच विसरता येत नाहीत.” असं अभिनेत्री श्वेता शिंदेने सांगितलं.