“धाकधूक होती पण…”, TRP च्या शर्यतीत सिद्धार्थ जाधवच्या ‘आता होऊदे धिंगाणा’ने मारली बाजी! पाहा संपूर्ण यादी

‘आता होऊ दे धिंगाणा’ या रिअ‍ॅलिटी शोच्या पहिल्या सीझनला प्रेक्षकांनी भरभरून प्रतिसाद दिला होता. गेल्यावर्षी २०२२ या शोचा पहिला सीझन प्रेक्षकांच्या भेटीला आला होता. यानंतर फेब्रुवारी २०२३ मध्ये या कार्यक्रमाने प्रेक्षकांचा निरोप घेतला. अभिनेता सिद्धार्थ जाधव अर्थात प्रेक्षकांचा लाडका ‘#आपला सिद्धू’ने या कार्यक्रमाच्या सूत्रसंचालकाची जबाबदारी यशस्वीरित्या सांभाळली होती. पहिल्या भागाला मिळालेल्या दमदार प्रतिसादानंतर स्टार प्रवाह वाहिनीने गेल्या महिन्यात या शोचा दुसरा सीझन सुरू करण्याचा निर्णय घेतला.