‘सुख म्हणजे नक्की काय असतं’ फेम अभिनेत्री झळकणार आता नव्या भूमिकेत, पोस्ट करत म्हणाली, “माझी नवी मालिका…”

‘सुख म्हणजे नक्की काय असतं’ मालिकेतील अभिनेत्री अपर्णा गोखले लवकरच नव्या भूमिकेत पाहायला मिळणार आहे. अपर्णा गोखलेने ‘सुख म्हणजे नक्की काय असतं’ मालिकेत रेणुका शिर्केची भूमिका साकारली होती. तिची ही भूमिका चांगलीच गाजली. पण, आता मालिकेने प्रेक्षकांच्या निरोप घेतल्यानंतर अपर्णा वेगळ्या भूमिकेतून प्रेक्षकांच्या भेटीस येत आहे. ‘सन मराठी’ वाहिनीवरील ‘सावली होईन सुखाची’ मालिकेत अपर्णा पाहायला मिळणार आहे.

हेही वाचा – “इंडस्ट्रीतल्या वर्चस्ववाद्यांनी माझ्या पोटावर मारलेली लाथ….”, निळू फुलेंच्या नावाने पहिला पुरस्कार जाहीर झाल्यानंतर किरण मानेंची पोस्ट, म्हणाले…

अभिनेत्री अपर्णा गोखले पोस्ट करत म्हणाली, “गेली साडे चार वर्षे रसिकांच्या मनावर आधिराज्य करणारी ‘सुख म्हणजे नक्की काय असतं’ या मालिकेने रविवारी निरोप घेतला. ज्याचा शेवट गोड, ते सगळे गोड. वाईटाचा नाश झाला, सत्याचा विजय झाला. हे सुख शोधत असतानाच मला ‘माझी माणसं’ मिळाली. दोन-अडीच वर्षे ‘सन मराठी’वर ही मालिका गाजत होती. सुख म्हणजे शोधताना मला माझी माणसं मिळाली, नवीन नाती जोडली गेली. आयुष्यभरासाठी, हक्काची म्हणता येतील अशी माणसं भेटली आणि बघता बघता मला ‘सुखाची सावली’ देऊन गेली. रेणुका वर जेवढे प्रेम केलं, मीना ला जसं आपलंस केलं, तसंच प्रेम आता आसावरीवर सुद्धा करा. पुढच्या नवीन प्रवासात पण अशीच साथ द्या, आशीर्वाद असूद्या, प्रेम असूद्या. पाहत राहा माझी नवी मालिका ‘सावली होईन सुखाची’ ‘सन मराठी’वर दरारोज रात्री ९ वाजता.”

हेही वाचा – बहुप्रतीक्षित Squid Game 2 वेब सीरिजसाठी तयार व्हा; कधी, कुठे प्रदर्शित होणार? जाणून घ्या…

हेही वाचा – केदार शिंदे दिग्दर्शित ‘झापुक झुपूक’ चित्रपटाचा मुहूर्त पार पडला, सूरज चव्हाणसह मालिकाविश्वातील ‘हे’ लोकप्रिय चेहरे झळकणार

दरम्यान, ‘सावली होईन सुखाची’ या मालिकेचं नवं पर्व सुरू झालं आहे. या मालिकेत ‘सुख म्हणजे नक्की काय असतं’मधील अभिनेता अमेय बर्वे आणि अभिनेत्री प्रतिक्षा पोकळे प्रमुख भूमिकेत आहेत. ‘सावली होईन सुखाची’मध्ये अमेय विराजस आणि प्रतिक्षा राधा उर्फ बिट्टीच्या भूमिकेत पाहायला मिळत आहे.