अभिनेता सुमीत पुसावळे ‘बाळूमामाच्या नावाने चांगभलं’ या मालिकेतून घराघरांत लोकप्रिय झाला. काही महिन्यांपूर्वी त्याने या मालिकेतून प्रेक्षकांचा निरोप घेतला. सध्या सुमीत ‘स्टार प्रवाह’ वाहिनीवरील ‘घरोघरी मातीच्या चुली’ मालिकेत प्रमुख भूमिका साकारत आहे. अभिनेता साकारत असलेल्या हृषिकेश रणदिवे या पात्राला अल्पावधीतच प्रेक्षकांचा चांगला प्रतिसाद मिळत आहे. याशिवाय हृषिकेश-जानकीची जोडी सुद्धा प्रेक्षकांच्या पसंतीस उतरली आहे.
सुमीतच्या वैयक्तिक आयुष्याबद्दल सांगायचं झालं, तर १४ डिसेंबर २०२२ मध्ये त्याने लग्न केलं. सुमीतच्या पत्नीचं नाव मोनिका महाजन असं आहे. बायकोबरोबरचे अनेक फोटो आणि व्हिडीओ तो सोशल मीडियावर शेअर करत असतो. सुमीतची पत्नी दिसायला खूपच सुंदर आहे. आज मोनिकाच्या वाढदिवसानिमित्त अभिनेत्याने खास पोस्ट शेअर करत आपल्या बायकोला शुभेच्छा दिल्या आहेत.
सुमीतने बायकोबरोबरचे रोमँटिक फोटो शेअर करत तिला वाढदिवसाच्या शुभेच्छा दिल्या आहेत. अभिनेता लिहितो, “वाढदिवसाच्या खूप खूप शुभेच्छा बायको! आजचा दिवस तुझ्या आयुष्यात परत परत येवो, तुझ्या सर्व इच्छा आकांक्षा पूर्ण होवो. तुझ्या चेहऱ्यावर नेहमी smile राहूदे. तसं बघायला गेलं, तर तुझ्याबरोबर प्रत्येक दिवस एखाद्या उत्सवाप्रमाणे असतो पण, आजचा दिवस खास आहे. कारण, याच दिवसामुळे मला माझं प्रेम मिळालंय. पुन्हा एकदा वाढदिवसाच्या मनःपूर्वक शुभेच्छा बायको! love you so much…Happy birthday”
सुमीत पुसावळेने शेअर केलेल्या पोस्टवर रेश्मा शिंदेने “वाढदिवसाच्या खूप खूप शुभेच्छा मोना डार्लिंग” अशी कमेंट केली आहे. अक्षया नाईक, भक्ती देसाई यांनी देखील कमेंट करत मोनिकाला वाढदिवसाच्या भरभरून शुभेच्छा दिल्या आहेत.
हेही वाचा : आईची साडी, गळ्यात फक्त १ हार अन् केसात…; सोनाक्षी सिन्हाने नोंदणी पद्धतीने विवाह करताना केला ‘असा’ लूक
दरम्यान, ‘घरोघरी मातीच्या चुली’ ही मालिका सध्या प्रसिद्धीच्या शिखरावर आहे. सध्या या मालिकेला प्रेक्षकांचा चांगला प्रतिसाद मिळत असून टीआरपीच्या शर्यतीत ही मालिका टॉप ५ मध्ये आहे. यामध्ये रेश्मा शिंदे आणि सुमीत पुसावळे यांच्यासह प्रतीक्षा मुणगेकर, बालकलाकार आरोही सांबरे, सविता प्रभुणे, भक्ती देसाई, उदय नेने, अक्षय वाघमारे, नयना आपटे, प्रमोद पवार, सुनील गोडसे, ऋतुजा कुलकर्णी, भाग्यश्री दळवी यांनी या मालिकेत महत्त्वाच्या भूमिका साकारल्या आहेत.
