अभिनेत्री अमृता देशमुख सोशल मीडियावर खूप सक्रिय असते. फोटो, व्हिडीओ, तसेच दैनंदिन जीवनातले अनुभव चाहत्यांबरोबर शेअर करत असते. काही दिवसांपूर्वी तिने ‘झी नाट्य गौरव’चा सर्वोत्कृष्ट अभिनेत्रीचा पुरस्कार मिळाल्यानिमित्ताने भावनिक पोस्ट शेअर केली होती. त्यानंतर अमृताने आज तिची वहिनी म्हणजेच ‘ताली’ फेम अभिनेत्री कृतिका देवची पोस्ट शेअर केली आहे; ज्यामध्ये ती वहिनीने बनवलेलं खानदेशी जेवण दाखवत आहे.
अमृता देशमुखचा सख्खा भाऊ अभिनेता अभिषेक देशमुख याची पत्नी कृतिका देव आहे. कृतिकाने आज खास जेवणात खानदेशी भरीत व भाकरी केली होती. याचा व्हिडीओ अमृताने इन्स्टाग्रामवर स्टोरीवर शेअर केला आहे. यामध्ये अमृता कृतिकाला म्हणते, “इतकं छान केलंय… खानदेशी झाली बो…”
हेही वाचा – दिवंगत गायक सिद्धू मुसेवालाची आई हॉस्पिटलमध्ये दाखल, पन्नाशीत देणार जुळ्या मुलांना जन्म?
शिवाय या व्हिडीओवर अमृताने लिहिलं आहे, “कृतिका वहिनी, खानदेशी भरीत व भाकरी बनवल्यानंतर लाजतेय.” या व्हिडीओत अमृता, कृतिकासह अभिषेक देखील पाहायला मिळत आहे. अमृताची ही पोस्ट सध्या चांगलीच व्हायरल झाली आहे.
हेही वाचा – “मला अतिशय अभिमान…”, मधुरा वेलणकरने सासरे शिवाजी साटम यांचं केलं कौतुक, म्हणाली, “२३ वर्ष CID…”
दरम्यान, अमृताची वहिनी म्हणजे कृतिकाच्या कामाबद्दल बोलायचं झालं तर, रवी जाधव दिग्दर्शित ‘ताली’ या लोकप्रिय सीरिजमध्ये ती झळकली होती. तिने तृतीयपंथी गौरी सावंत यांच्या बालपणीची भूमिका साकारली होती. याआधी तिने बऱ्याच मराठी चित्रपटातही काम केलं आहे. तसेच कृतिकाचा नवरा अभिषेक ‘आई कुठे काय करते’ या मालिकेत पाहायला मिळत आहे. या मालिकेत त्याने यशची भूमिका साकारली आहे.
