टीव्हीवर प्रदर्शित होणाऱ्या काही मालिका या प्रेक्षकांच्या लाडक्या असतात. अशा मालिकांपैकी एक म्हणजे 'तारक मेहता का उल्टा चश्मा'(Taarak Mehta Ka Ooltah Chashmah) ही विनोदी मालिका आहे. ही मालिका वर्षानुवर्षे प्रेक्षकांच्या मनावर राज्य करीत असल्याचे पाहायला मिळत आहे. या मालिकेतील कलाकारांचा चाहतावर्ग मोठा असल्याचे दिसते. आता 'तारक मेहता का उल्टा चश्मा' या मालिकेत सोनू भिडेची भूमिका साकारणारी झील मेहता (Jheel Mehta) तिच्या वैयक्तिक आयुष्यामुळे चर्चेत आली आहे. गोव्यातील बॅचरल पार्टीमधील फोटो केले शेअर अभिनेत्री झील मेहताने इन्स्टाग्रामच्या अकाउंटवर तिच्या गोव्यातील बॅचरल पार्टीमधील फोटो शेअर केले आहेत. हे फोटो शेअर करताना तिने, "मुलींना मजा करायची आहे," अशी कॅप्शन दिली आहे. तिच्या या पोस्टवर 'तारक मेहता का उल्टा चश्मा' मालिकेतील तिची सहकलाकार जेनिफर मिस्त्री बन्सीवालने, "अभिनंदन झीलो, कशी आहेस?" अशी कमेंट केली आहे. https://www.instagram.com/p/C_YEDcNNLJf/?utm_source=ig_web_copy_link&igsh=MzRlODBiNWFlZA== झील मेहता इन्स्टाग्राम जानेवारीमध्ये झीलचा बॉयफ्रेंड आदित्य दुबेने तिला प्रपोज केले होते. फेब्रुवारीमध्ये या जोडप्याने कुटुंबीयांच्या उपस्थितीत साखरपुडा केला. मे महिन्यात झीलने सोशल मीडियावर आदित्यला प्रपोज केलेला एक व्हिडीओ शेअर करीत लिहिले होते, "प्रत्येक टेबलवर मी तुझ्यासाठी जागा ठेवते. मला माहीत आहे, तू हो म्हणशील (त्याशिवाय तुझ्याकडे पर्याय नाही); पण तरीही मला फुलपाखरे जाणवत होती." झील अनेकदा आदित्यबरोबरचे फोटो सोशल मीडियावर फोटो शेअर करीत असते. या जोडीने अद्याप ते लग्न नक्की कोणत्या महिन्यात करणार असल्याचे ते सांगितलेले नाही. मात्र, या वर्षाच्या अखेरपर्यंत किंवा २०२५ च्या सुरुवातीला ते लग्नगाठ बांधणार असल्याचा अंदाज व्यक्त केला जात आहे. झील मेहता इन्स्टाग्राम दरम्यान, झील मेहताने 'तारक मेहता का उल्टा चश्मा' या मालिकेत बालकलाकार म्हणून काम केले आहे. सोनू भिडेच्या भूमिकेतून तिने प्रेक्षकांच्या मनात स्वत:ची वेगळी जागा निर्माण केली होती. २०१२ मध्ये तिने हा शो सोडला. झीलशिवाय राज अनाडकत आणि भव्या गांधी या बालकलाकारांनीदेखील मालिका सोडली आहे. काही दिवसांपूर्वीच गोलीची भूमिका साकारणाऱ्या कुश मेहतानेदेखील उच्च शिक्षणासाठी तो परदेशात जाणार असल्याने ही मालिका सोडली आहे. हेही वाचा: चाहत्यांची प्रतीक्षा संपली! टीव्हीवर एकदाही न दाखवलेला रितेश-जिनिलीयाचा चित्रपट तब्बल २१ वर्षांनी पुन्हा प्रदर्शित होणार विनोदी कथानकामुळे या मालिकेचे प्रेक्षकांच्या मनात वेगळे स्थान आहे. २००८ पासून 'तारक मेहता का उल्टा चश्मा' ही मालिका प्रेक्षकांचे मनोरंजन करीत आहे.
