मुक्ता-सागरच्या लग्नामुळे ‘प्रेमाची गोष्ट’ मालिका ठरली नंबर १, जाणून घ्या टॉप १० मालिका

४ सप्टेंबरपासून सुरू झालेली ‘प्रेमाची गोष्ट’ मालिका ही प्रेक्षकांच्या अल्पावधीत पसंतीस पडली. मालिकेतील मुक्ता, सागर, सईसह गोखले आणि कोळी कुटुंबातील इतर सदस्य घराघरात पोहोचले. मुक्ता-सागरची जोडी ही लोकप्रिय जोड्यांपैकी एक ठरली. त्यामुळे ‘प्रेमाची गोष्ट’ मालिका टीआरपीच्या यादीत अव्वल स्थानावर आली. सुरू होताना पहिल्याच आठवड्यात ‘प्रेमाची गोष्ट’ मालिकेने ‘स्टार प्रवाह’च्या जुन्या मालिकांना मागे टाकून पहिलं स्थान मिळवलं. पण त्यानंतर मालिकेच्या टीआरपीमध्ये चढ-उतार पाहायला मिळाला. तरी देखील मालिका टॉप पाचमध्ये असायची. पण मागील आठवड्यातील ऑनलाइन टीआरपीच्या यादीत तेजश्रीच्या मालिकेने लोकप्रिय ‘ठरलं तर मग’ मालिकेला मागे टाकतं पहिलं स्थान पटकावलं आहे. ‘प्रेमाची गोष्ट’ मालिका ऑनलाइन टीआरपीच्या यादीत पहिल्या स्थानावर आली आहे. ‘मराठी टेल बझ’ या इन्स्टाग्राम पेजवर मागील आठवड्याची ऑनलाइन टीआरपी यादी शेअर केली आहे.

हेही वाचा – Video: अरबाज खानच्या लग्नाच्या २ दिवसांनंतर एक्स गर्लफ्रेंड जॉर्जियाचा व्हिडीओ व्हायरल, नेटकरी म्हणाले, “खूपच रडली…”

गेल्या काही आठवड्यापासून ‘प्रेमाची गोष्ट’ मालिकेत मुक्ता-सागरचा लग्नसोहळा सुरू आहे. साखरपुडा, मेहंदी, संगीत, हळद, सप्तपदी असा समारंभपूर्वक लग्नसोहळा होत आहे. यादरम्यान अनेक मालिकेत ट्विस्ट येत आहेत. त्यामुळे प्रेक्षकांचा मालिकेला सध्या चांगला प्रतिसाद मिळत आहे. याचा परिणाम ऑनलाइन टीआरपीवर झाला आहे. मागील आठवड्याच्या ऑनलाइन टीआरपीमध्ये ‘प्रेमाची गोष्ट’ पहिल्या नंबर वन असून ४०.६ रेटिंग मिळाले आहे. तर ‘ठरलं तर मग’चा टीआरपी घसरला असून ४०.१ रेटिंग मिळाले आहे.

मागील आठवड्याच्या ऑनलाइन टीआरपीच्या यादीत टॉप १० मालिका

१) प्रेमाची गोष्ट
२) ठरलं तर मग
३) आई कुठे काय करते
४) सुख म्हणजे नक्की काय असतं
५) लक्ष्मीच्या पाऊलांनी
६) मन धागा धागा जोडते नवा
७) तुझेच मी गीत गात आहे
८) तुला शिकविन चांगलाच धडा
९) शुभविवाह
१०) मुरांबा