मराठी मनोरंजनसृष्टीतील आघाडीच्या अभिनेत्रींपैकी एक अभिनेत्री म्हणजे तेजश्री प्रधान. आतापर्यंत नाटक, मालिका, चित्रपट अशा विविध माध्यमांमधून ती प्रेक्षकांच्या भेटीला आली आहे. तिच्या कामाचं नेहमीच कौतुक होत असतं. तर भूमिकेसाठी ती लखोंमध्ये मानधनही आकारते. तर तिला मिळालेल्या पहिल्या मानधनातून तिने काय खरेदी केलं होतं हे तिने आता सांगितलं आहे.
तेजश्रीची ‘प्रेमाची गोष्ट’ ही मालिका नुकतीच प्रेक्षकांच्या भेटीला आली आहे. या मालिकेतून तेजश्रीने दीर्घ काळानंतर छोट्या पडद्यावर पुनरागमन केलं आहे. तिची मालिका आणि तिची भूमिका प्रेक्षकांच्या चांगलीच पसंतीस पडली असून सोशल मीडियावरून त्याला सकारात्मक प्रतिक्रिया मिळत आहेत. अशातच आता तेजश्रीने तिच्या आयुष्यातील काही पहिल्या गोष्टी सांगितल्या.
तेजश्रीने नुकतीच एक मुलाखत दिली. या मुलाखतीमध्ये तिने तिच्या आयुष्यातील अनेक पहिले अनुभव सांगितले. तर यावेळी तिने तिला मिळालेल्या पहिल्या मानधनातून तिने स्वतःसाठी काय खरेदी केलं होतं याचाही खुलासा केला. ती म्हणाली, “पहिल्यांदा मला कामाचे पैसे मिळाल्यावर मी स्वतःला टी-शर्ट घेतला होता.” आता तेजश्रीचं हे बोलणं चर्चेत आलं आहे.
