‘ठरलं तर मग’ ही छोट्या पडद्यावरील मालिका सध्या घराघरांत चांगलीच लोकप्रिय आहे. या मालिकेतील प्रत्येक पात्राने प्रेक्षकांच्या मनात एक वेगळं स्थान निर्माण केलं आहे. मालिकेचं रंजक कथानक व कलाकारांच्या दमदार अभिनयामुळे गेल्या अनेक महिन्यांपासून ‘ठरलं तर मग’ ही मालिका टीआरपीच्या शर्यतीत पहिल्या क्रमांकावर आहे. सध्या या मालिकेच्या सेटवरून आणखी एक आनंदाची बातमी समोर आली आहे.
‘ठरलं तर मग’ मालिकेच्या यशाचं श्रेय या मालिकेतील कलाकारांप्रमाणेच दिग्दर्शकाचंही आहे. या लोकप्रिय मालिकेचं दिग्दर्शन सचिन गोखले करत आहेत. नुकताच त्यांचा विवाहसोहळा पार पडला. लग्नातील फोटोंना “आयुष्याची नवी सुरुवात” असं कॅप्शन देत त्यांनी ही आनंदाची बातमी मालिकेच्या चाहत्यांबरोबर शेअर केली.
हेही वाचा : “नाट्यसंमेलनात सावळा गोंधळ अन्…”, सविता मालपेकरांनी व्यक्त केली खंत; म्हणाल्या, “शासन करोडो रुपये…”
‘ठरलं तर मग’चे दिग्दर्शक सचिन गोखले यांनी आसावरी मेहेंदळे यांच्याशी लग्नगाठ बांधली. या जोडप्यावर सध्या मालिकेतील कलाकारांकडून कौतुकाचा वर्षाव करण्यात येत आहे. लग्नात दोघांनाही मराठमोळा पारंपरिक लूक केल्याचं फोटोंमध्ये पाहायला मिळत आहे.
हेही वाचा : किरण मानेंची राजकारणात एन्ट्री! हाती शिवबंधन बांधत केला ठाकरे गटात प्रवेश; म्हणाले, “उद्धव ठाकरे हे…”
मालिकेत प्रियाचं पात्र साकारणारी अभिनेत्री प्रियांका तेंडोलकरने दिग्दर्शकाच्या लग्नातील खास फोटो शेअर करत या जोडप्याचं अभिनंदन केलं आहे. “सचिन-आसावरी तुम्हाला खूप खूप शुभेच्छा! तुमच्यासाठी मी प्रचंड आनंदी आहे. गॉड ब्लेस यू” असं कॅप्शन अभिनेत्रीने या फोटोवर दिलं आहे.
