Tharala Tar Mag Fame Jui Gadkari : आपल्या सहज सुंदर अभिनयाने गेली अनेक वर्षे जुई गडकरीने प्रेक्षकांच्या मनावर अधिराज्य गाजवलं आहे. अभिनेत्रीचा चाहतावर्ग मोठ्या प्रमाणात आहे. सध्या स्टार प्रवाह वाहिनीवरील 'ठरलं तर मग' मालिकेतून जुई प्रेक्षकांचं मनोरंजन करत आहे. या मालिकेत ती सायली हे पात्र साकारत आहे. 'ठरलं तर मग' ( Tharala Tar Mag ) मालिकेतील सायली सुगरण असते…प्रतिमाची लेक असल्याने तिला स्वयंपाक करायला आवडतो. सायलीला जेवणातली प्रत्येक गोष्ट येत असते. सुभेदारांची 'आदर्श सून' म्हणून सायलीला ओळखलं जातं. ऑनस्क्रीन सायली या पात्राप्रमाणे ही भूमिका साकारणारी अभिनेत्री जुई गडकरी खऱ्या आयुष्यात सुद्धा सुगरण आहे. नुकताच अभिनेत्रीने तिच्या इन्स्टाग्रामवर उकडीचे मोदक बनवतानाचा व्हिडीओ शेअर केला. याला तिने खास कॅप्शन दिलं आहे. जुई नेमकं काय म्हणतेय जाणून घेऊयात… हेही वाचा : Bigg Boss Marathi- Video : “तुम्ही किती घाण स्वभावाच्या…”, वर्षा – निक्कीमध्ये पुन्हा जोरदार भांडण; नेटकरी म्हणाले, “नॉमिनेट झाली फडफड…” जुई गडकरीने बनवले सुंदर मोदक जुई गडकरीने शेअर केलेल्या व्हिडीओमध्ये ती हातानेच सुंदर अशा कळ्या करून उकडीचे मोदक बनवत असल्याचं पाहायला मिळत आहे. उकडीचे मोदक बनवण्याची नेमकी पद्धत कशी असते, आधी उकड काढलेलं तांदळाचं पीठ मळायचं पुढे, या पीठाच्या पात्या करून त्यात सारण कसं भरायचं. यानंतर या मोदकांच्या कळ्या कशा करायच्या हे सर्व जुई या व्हिडीओमध्ये दाखवत आहे. खरंतर अभिनेत्रीने हे मोदक मालिकेच्या ( Tharala Tar Mag ) शूटिंगसाठी खास बनवले होते. Tharala Tar Mag Fame Jui Gadkari जुई याबद्दल सांगते, "मालिकेतील पाककृतींच्या सीन्ससाठी अनेकवेळा मला सेटवर स्वयंपाक करावा लागतो. आज मोदक बनवले. आपल्या सेटवर कामासाठी म्हणजेच प्रत्यक्ष सीनसाठी मोदक बनवायला कोणाला आवडणार नाही? यासाठीच मी हे खास हे मोदक बनवले होते." याशिवाय जुईने तिच्या चाहत्यांना "तुम्ही आज किती मोदक खाल्लेत?" अशा प्रश्न देखील विचारला आहे. हेही वाचा : ऑनलाइन ओळख अन् आंतरधर्मीय लग्न, बादशाहने पहिल्यांदाच सांगितलं घटस्फोटाचं कारण; ७ वर्षांच्या मुलीबद्दल म्हणाला… हेही वाचा : Bigg Boss Marathi : घरातील ६ सदस्य झाले नॉमिनेट! पण, नेटकऱ्यांकडून अंकिताचं कौतुक, काय आहे कारण? दरम्यान, नेटकऱ्यांनी जुईचं भरभरून कौतुक केलं आहे. "सर्वगुण संपन्न आहेस", "तू कशी एवढी परफेक्ट आहे गं… Reel लाईफमध्ये आणि Real लाईफमध्ये पण… सर्वगुणसंपन्न म्हणतात ना ती तूच… Only One जुई गडकरी…", "खूप छान मोदक बनवले ताई तू" अशा कमेंट्स नेटकऱ्यांनी जुईच्या व्हिडीओवर केल्या आहेत.
