छोट्या पडद्याची लाडकी सून पुन्हा नंबर १! TRPच्या शर्यतीत ‘ठरलं तर मग’चं वर्चस्व कायम, ‘या’ आहेत टॉप १० मालिका

‘स्टार प्रवाह’ची लोकप्रिय मालिका ‘ठरलं तर मग’ने यंदाच्या आठवड्यात सुद्धा टीआरपीच्या शर्यतीत आपलं पहिलं स्थान कायम राखलं आहे. जुई गडकरीने यासंदर्भात पोस्ट शेअर करत माहिती दिली आहे. या मालिकेत अभिनेत्री जुई गडकरीने ‘सायली’, तर अभिनेता अमित भानुशालीने ‘अर्जुन’ हे पात्र साकारलं आहे. सायली-अर्जुनचं कॉन्ट्रॅक्ट लग्न, अस्मिता-प्रियाचे नवनवीन डाव, मालिकेत येणारी रंजक वळणं, प्रतिमाची लक्ष्मीपूजन सोहळ्याला झालेली एन्ट्री यामुळे गेल्या अनेक महिन्यांपासून ही मालिका टीआरपीच्या शर्यतीत आघाडीवर आहे.

आणखी वाचा

सोन्याच्या दरात मोठे बदल… हे आहेत आजचे दर…

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

Bajrang Sonavane : “अजित पवारांनी बीडचं पालकमंत्रिपद घ्यावं, त्यांना अंधारात कोण काय…”, बजरंग सोनावणेंची मागणी

यश-रेवतीच्या नात्यामुळे सासू-सून पुन्हा समोरासमोर येणार; ‘नवरी मिळे हिटलरला’ मालिकेत पुढे काय घडणार?

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

नागपूरच्या ‘कॅलेंडर’ काकांना तोंडपाठ आहे संपूर्ण कॅलेंडर; अचूक सांगतात माहिती, VIDEO एकदा पाहाच

विवाहित प्रेयसीची अंधारातील भेट प्रियकराच्या जीवावर बेतली

“रिल पुन्हा बनवता येईल लेकरु गेलं तर?” मुलाला धावत्या कारच्या बोनेटवर बसवून रील शूट; VIDEO पाहताना श्वास रोखून धराल

हेही वाचा : BB 17 : ‘बिग बॉस’च्या घरात येणार सेलिब्रिटींचा लाडका ओरी! पहिल्याच दिवशी सलमान खानने केली ‘अशी’ थट्टा, व्हिडीओ व्हायरल

गेल्या आठवड्याचा टीआरपी जुई आणि मालिकेत खलनायिकेची भूमिका साकारणाऱ्या प्रिया तेंडोलकरने शेअर केला आहे. या यादीत पहिल्या टॉप १० मध्ये सगळ्या स्टार प्रवाहच्या मालिका व कार्यक्रमांना स्थान मिळालेलं आहे. पहिल्या स्थानी ‘ठरलं तर मग’, दुसऱ्या क्रमांकावर ‘तुझेच मी गीत गात आहे’, ‘सुखं म्हणजे नक्की काय असतं’ मालिका तिसऱ्या स्थानी, तर चौथं व पाचवं स्थान अनुक्रमे ‘प्रेमाची गोष्ट’ आणि ‘आई कुठे काय करते’ या मालिकांनी पटकावलं आहे.

पुढे सहाव्या स्थानी या मालिकेत ‘ठिपक्यांची रांगोळी’, सातव्या स्थानी ‘कुण्या राजाची गं तू राणी’, आठव्या स्थानी सिद्धार्थ जाधवचा कार्यक्रम ‘आता होऊ दे धिंगाणा’, नवव्या क्रमांकावर ‘आई कुठे काय करते’चा महाएपिसोड आणि दहावं स्थान ‘शुभ विवाह’ या मालिकेने मिळवलं आहे.

हेही वाचा : Video : IFFI च्या रेड कार्पेटवर सिद्धार्थ जाधवचा जलवा! दिग्गजांबरोबर झाला अभिनेत्याचा सन्मान; नेटकरी म्हणाले, “अंगावर शहारे…”

विशेष म्हणजे, मागील आठवड्याच्या टीआरपीच्या यादीत पहिल्या १३ स्थानांवर स्टार प्रवाहच्या मालिका आहेत. यानंतर थेट १४ व्या स्थानी ‘झी मराठी’ची ‘तुला शिकवीन चांगलाच धडा’ या मालिकेने स्थान मिळवलं आहे. दरम्यान, टीआरपीच्या यादीत गेल्या काही महिन्यांपासून सतत बाजमी मारणारी ‘ठरलं तर मग’ मालिकेला पुढच्या महिन्यात एक वर्ष पूर्ण होणार आहे. यामध्ये जुई गडकरी, प्रिया तेंडोलकर, अमित भानुशाली, प्राजक्ता दिघे, शिल्पा नवलकर या कलाकारांनी प्रमुख भूमिका साकारल्या आहेत.