ठरलं तर मग : अखेर प्रियाच्या हाती लागली कॉन्ट्रॅक्ट मॅरेजची फाइल, सायली-अर्जुनसमोर मोठं संकट, पाहा प्रोमो

साक्षी शिखरेने प्रियाला सायली-अर्जुनचं कॉन्ट्रॅक्ट मॅरेज झाल्याची माहिती दिली असते. त्यामुळे काहीही करून यासंदर्भातील पुरावे शोधून काढायचे आणि दोघांना धडा शिकवायचा असं प्रिया ठरवते. शोधाशोध करण्यासाठी प्रिया अर्जुनच्या ऑफिसमध्ये जाते. तिथे गेल्यावर ती गुपचूप अर्जुनच्या केबिनची चावी चोरते. याचदरम्यान अर्जुन-चैतन्य केबिनबाहेर जातात आणि अर्जुन सुद्धा प्रियाला इथून जा असं सांगतो. अर्जुनचं सतत लक्ष असल्याने प्रियाला ऑफिसमधून काढता पाय घ्यावा लागतो. अर्थात यामुळेच रात्री जाऊन फाइलची शोधाशोध करायची असा निर्णय प्रिया घेते.

आणखी वाचा

‘भाग्य दिले तू मला’ फेम अभिनेत्री झळकणार ‘स्टार प्रवाह’च्या नव्या मालिकेत, प्रोमो शेअर करत म्हणाली, “कलाकार म्हणून कायमच…”

Nana Patole : निकालाआधी राजकीय घडामोडींना वेग; यातच…

Video: अर्जुनचं ‘ते’ कृत्य पाहून प्रियाला बसला धक्का आता…; पाहा ‘ठरलं तर मग’ मालिकेच्या महाएपिसोडचा प्रोमो

“माझे आई-वडील वेगळे झाल्यावर…”, पालकांच्या घटस्फोटाबाबत पहिल्यांदाच बोलली जान्हवी कपूरची सावत्र बहीण

Video: गंगा आरतीत तल्लीन झाली परिणीती चोप्रा, राघव चड्ढाही होते सोबतीला, पाहा व्हिडीओ

ठरलं तर मग : बाप-लेकीची भेट! अर्जुनने निभावलं जावयाचं कर्तव्य, मधुभाऊंना पाहताच सायलीला अश्रू अनावर, पाहा प्रोमो

Video : ठरलं! मृणाल दुसानिसची नवीन मालिका ‘या’ दिवशी सुरू होणार, ‘लग्नानंतर होईलच प्रेम’मध्ये झळकणार ‘हे’ दमदार कलाकार

हेही वाचा : “माझा सुपरहिरो गमावला…”, जय दुधाणेच्या वडिलांचं हृदय बंद पडल्याने निधन, शेअर केली भावुक पोस्ट

अर्जुन घरी आल्यावर सायलीला आज प्रिया ऑफिसमध्ये आल्याचं सांगतो. यावरून दोघांनाही सायली ऑफिसमध्ये कॉन्ट्रॅक्ट मॅरेजचे पुरावे गोळा करण्यासाठी आली असावी अंदाज येतो. त्यामुळे सायली-अर्जुन दोघंही घाईने ऑफिसच्या दिशेने जातात. नुकत्याच समोर आलेल्या प्रोमोमध्ये प्रिया भर अंधारात अर्जुनच्या केबिनमध्ये फाइल शोधत असल्याचं पाहायला मिळत आहे. थोडीफार शोधाशोध केल्यावर प्रियाच्या हाती कॉन्ट्रॅक्ट मॅरेजची फाइल लागते. निश्चितच ही फाइल पाहून तिला प्रचंड आनंद होतो. दुसरीकडे अर्जुन-सायली ऑफिसमध्ये पोहोचताच फाइल जाग्यावर नसल्याचं पाहून सायली जोरात अर्जुनला आवाज देते. फाइल जागेवर नाही हे पाहून दोघंही चिंतेत पडतात.

हेही वाचा : Video : ‘जीव माझा गुंतला’ फेम योगिता चव्हाणचा ‘सूसेकी’ गाण्यावर जबरदस्त डान्स! पती सौरभ म्हणाला, “श्रीवल्ली…”

सायली-अर्जुनला फाइल चोरी झाल्याचं कळताच मोठं दडपण येतं. कारण, आता आपल्यासमोर एक नवीन संकट उभं राहणार याची जाणीव दोघांनाही असते. सायली-अर्जुनच्या कॉन्ट्रॅक्ट मॅरेजची गोष्ट फक्त यापूर्वी चैतन्य आणि कुसूम ताई यांनाच माहिती असते. अशातच संपूर्ण घरासमोर प्रियाने हे गुपित उघड केल्यास याचा परिणाम मधुभाऊंच्या केसवर देखील होणार याची माहिती सायली-अर्जुनला असते. अशा गंभीर परिस्थितीमध्ये हे दोघं कोणता निर्णय घेणार हे पाहणं महत्त्वाचं ठरेल.

हेही वाचा : मनोरंजन विश्वातील कलाकार अन् चित्रपटांबद्दल हटके Quiz! फोटो पाहा अन् १० प्रश्नांची अचूक उत्तरं द्या

सायली-अर्जुन मधुभाऊंच्या केससाठी फक्त नाममात्र लग्न करतात. परंतु, हळुहळू सायलीचा चांगुलपणा अर्जुनला आकर्षित करतो. अर्जुन तिच्या प्रेमात पडू लागतो. मधुभाऊंच्या केसमध्ये प्रमाणाबाहेर मदत केल्याने आणि अर्जुनचा खरेपणा पाहून आता सायलीच्या मनात देखील अर्जुनविषयी प्रेम निर्माण झालेलं आहे. परंतु, या दोघांनीही याविषयी एकमेकांना कबुली दिलेली नाही. त्यामुळे प्रियाच्या फाइल चोरण्याने यांच्या नात्यावर काय परिणाम होणार, ही गोष्ट पूर्णा आजीपर्यंत गेल्यास सायलीला घराबाहेर जावं लागेल का? या सगळ्या गोष्टींचा उलगडा आगामी भागात होईल.