वर्षअखेरीस जुई गडकरीच्या ‘ठरलं तर मग’ने मारली बाजी! टीआरपीच्या शर्यतीत ‘या’ आहेत टॉप १० मालिका, पाहा संपूर्ण यादी

‘ठरलं तर मग’ मालिकेत अभिनेत्री जुई गडकरीने ‘सायली’, तर अभिनेता अमित भानुशालीने ‘अर्जुन’ हे पात्र साकारलं आहे. सायली-अर्जुनचं कॉन्ट्रॅक्ट लग्न, मालिकेत येणारी रंजक वळणं यामुळे गेल्या अनेक महिन्यांपासून ही मालिकेने टीआरपीच्या शर्यतीत आघाडीवर आहे.

हेही वाचा : जिनिलीयाचं मराठीत पदार्पण ते आईच्या हस्ते मुहूर्ताचा शॉट; रितेश देशमुखच्या ‘वेड’ चित्रपटाला १ वर्ष पूर्ण! पाहा खास व्हिडीओ

‘ठरलं तर मग’ टीआरपीच्या यादीत पहिल्या स्थानी असून ‘प्रेमाची गोष्ट’ मालिका दुसऱ्या क्रमांकावर आहे. यानंतर तिसऱ्या, चौथ्या, पाचव्या आणि सहाव्या स्थानी अनुक्रमे ‘तुझेच मी गीत गात आहे’, ‘लक्ष्मीच्या पावलांनी’, ‘सुख म्हणजे नक्की काय असतं’, ‘आई कुठे काय करते, या मालिका आहेत.

यानंतर सातव्या, आठव्या, नवव्या आणि दहाव्या स्थानी अनुक्रमे ‘कुण्या राजाची तू गं राणी’, ‘सुभेदार’ चित्रपटाचा वर्ल्ड टेलिव्हिजन प्रीमियर, ‘मन धागा धागा जोडते नवा’, ‘आता होऊ दे धिंगाणा’ सीझन २ यांना स्थान मिळालं आहे. याशिवाय टॉप १५ च्या यादीत ‘तुला शिकवीन चांगलाच धडा’ ही ‘झी मराठी’ ची एकमेव मालिका १४ व्या क्रमांकावर आहे.

हेही वाचा : “करोना परत आलाय…”, ‘लावणी क्वीन’ मेघा घाडगेने शेअर केला रुग्णालयातील व्हिडीओ, चाहत्यांनी व्यक्त केली काळजी

दरम्यान, ‘झी मराठी’वर काही दिवसांपूर्वीच सुरू झालेल्या हार्दिक जोशीच्या ‘जाऊ बाई गावात’ या कार्यक्रमाने टीआरपीच्या शर्यतीत एन्ट्री घेत २० वं स्थान मिळवलं आहे. सध्या या कार्यक्रमाला प्रेक्षकांची पसंती मिळत असल्याचं पाहायला मिळत आहे.