ठरलं तर मग : अर्जुन पोहोचला बायकोच्या माहेरी, एकत्र पतंग उडवताना मधुभाऊंची एन्ट्री! पुढे जावयाने केलं असं काही…; पाहा प्रोमो

अर्जुनला त्याच्या सगळ्या प्लॅन्समध्ये कुसुम देखील साथ देत असते. कुसुम वेळोवेळी घरात घडणाऱ्या सगळ्या गोष्टींची कल्पना अर्जुनला आधीच देत असते. सायली राहत असलेल्या चाळीत आता लवकरच मकर संक्रांत साजरी केली जाणार आहे. यानिमित्ताने अर्जुन बायकोच्या माहेरी जाणार आहे.

हेही वाचा : Bigg Boss 18: चाहत पांडेने स्वतः बॉयफ्रेंड असल्याचा केलेला खुलासा, कशिश कपूरला दाखवलेली साखरपुड्याची अंगठी, ‘तो’ व्हिडीओ होतोय व्हायरल

सायली राहत असलेल्या चाळीत संक्रांतीनिमित्त नवरा-बायकोमध्ये पतंग उडवण्याची स्पर्धा भरवलेली असते. यामध्ये अर्जुन-सायली सुद्धा जोडीने सहभागी होणार आहेत. दोघेही आनंदात असताना अचानक याठिकाणी मधुभाऊ येतात. सायलीला अर्जुनबरोबर पतंग उडवताना पाहून ते तिच्याकडे रागाने पाहतात आणि घरी चल असा इशारा करतात. “सायली बस्स झालं आता घरी चल” असं सांगत मधुभाऊ तिच्या हाताला धरून घराच्या दिशेने घेऊन जातात.

यावेळी आपल्या बायकोला अर्जुन पटकन अडवतो आणि तिला शब्द देतो. तो म्हणतो, “मिसेस सायली यावेळी आपल्यात अंतर होतं पण, पुढच्यावर्षी आपण जोडीने पतंग उडवू.” अर्जुनचा हा आत्मविश्वास पाहून मधुभाऊ सुद्धा चकीत झाल्याचं या प्रोमोमध्ये पाहायला मिळत आहे. इतकंच नव्हे तर, सासऱ्यांशी जराही वाद न घालता, त्यांनी सांगितलेल्या सगळ्या गोष्टी मान्य करून अर्जुन त्यांचा आशीर्वाद घेतो.

हेही वाचा : तेजश्री प्रधानने मालिका सोडल्यावर ‘प्रेमाची गोष्ट’च्या सेटवर आली नवीन ‘मुक्ता’! शेअर केला स्क्रिप्टचा पहिला फोटो…

हेही वाचा : सीनच्या नावाखाली थोबाडीत मारल्या, गाल सुजला अन्…; मराठी अभिनेत्याने सांगितला धक्कादायक प्रसंग; म्हणाला, “माझे बाबा…”

“मधुभाऊ आता आमच्या नात्यावरची संक्रात दूर करायला आता तुम्हीच आशीर्वाद द्या. तिळगूळ घ्या आणि गोड-गोड बोला.” असं अर्जुन मधुभाऊंना सांगतो. ‘ठरलं तर मग’ मालिकेचा हा विशेष भाग येत्या १३ जानेवारीला प्रसारित केला जाणार आहे. आता यानंतर मालिकेत काय ट्विस्ट येणार हे पाहणं महत्त्वाचं ठरेल.