‘स्टार प्रवाह’ वाहिनीवरील ‘ठरलं तर मग’ मालिकेने प्रेक्षकांच्या मनात एक वेगळं स्थान निर्माण केलं आहे. काही महिन्यांपूर्वी सुरू झालेल्या या मालिकेने अल्पावधीतच प्रेक्षकांची मनं जिंकली आहेत. सध्या ही मालिका प्रेक्षकांच्या मनावर अधिराज्य गाजवत असून ‘ठरलं तर मग’ मालिका लोकप्रियतेच्या शिखरावर पोहोचली आहे. या मालिकेतील एक कलाकार त्याच्या अभिनयामुळे चांगलाच चर्चेत आहे; तो म्हणजे अमित भानुशाली.
अभिनेता अमित भानुशालीने ‘ठरलं तर मग’ या मालिकेतून तब्बल नऊ वर्षांनी मालिकाविश्वात पुनरागमन केलं आहे. या मालिकेतील त्याने साकारलेली अर्जुन ही भूमिका प्रेक्षकांच्या चांगलीच पसंतीस पडली असून त्याच्या कामाच कौतुक केलं जात आहे. अशातच सध्या त्याच्या लेकाच्या व्हिडीओनं सगळ्यांचं लक्ष वेधून घेतलं आहे.
हेही वाचा – “हास्यजत्रेचा शाहरुख”, पृथ्वीक प्रतापच्या ‘त्या’ फोटोवर चाहत्यांची प्रतिक्रिया; म्हणाले, “व्हाय प्लस…”
अमितची बायको श्रद्धा भानुशालीनं लेकाचा एक व्हिडीओ सोशल मीडियावर शेअर केला आहे. या व्हिडीओत, तो पोळ्या लाटताना दिसत आहे. लेकाचा हा व्हिडीओ शेअर करत श्रद्धा भानुशालीने “मास्टर शेफ” असं कॅप्शन लिहीलं आहे.
लेकाच्या या व्हिडीओवर अमितने “खूपच गोड यार” अशी प्रतिक्रिया दिली आहे. तसेच अमितच्या चाहत्यांनी देखील त्याच्या लेकाच्या गोड व्हिडीओवर भरभरून प्रतिक्रिया दिल्या आहेत. “खूप गोड आहे…भारी”, “भविष्यात बायको म्हणेल सासूबाईंनी काय छान वळण लावलं मुलाला”, “खूप छान, आईला मदत करत आहे”, अशा प्रतिक्रिया अमितच्या चाहत्यांनी त्याच्या लेकाच्या व्हिडीओवर दिल्या आहेत.
हेही वाचा – Video: ‘द केरला स्टोरी’ फेम अदा शर्माने सादर केली नवी मराठी कविता; चाहते म्हणाले, “लय मस्त..”
सध्या मालिकेत काय घडतंय?
सायलीवरील झालेल्या हल्ल्यानंतर अर्जुन-सायलीच्या नात्यामध्ये गोड वळणं आलं आहे. दोघांचं नातं आता आणखी दृढ होताना पाहायला मिळत आहे. एवढंच नाही तर आता अर्जुन सायलीला बायको म्हणून स्वीकारण्यास तयार झाला आहे.
