मराठी मनोरंजन क्षेत्रातील लोकप्रिय अभिनेत्री म्हणजे जुई गडकरी. ‘ठरलं तर मग’ या मालिकेतून जुई घराघरांत पोहचली. या मालिकेत जुई ‘सायली’ ही भूमिका साकारत आहे. आपल्या अभिनयाच्या जोरावर जुईने प्रेक्षकांच्या मनात वेगळं स्थान निर्माण केले आहे. अभिनयाबरोबर जुई तिच्या वैयक्तिक आयुष्यामुळेही अनेकदा चर्चेत असते.
हेही वाचा- Video: गौतमी देशपांडेच्या मेहंदी सोहळ्यात बहीण मृण्मयीचा जबरदस्त डान्स, पाहा खास क्षण
जुई सोशल मीडियावर मोठ्या प्रमाणात सक्रिय असते. निरनिराळे फोटो व व्हिडीओ शेअर करत ती चाहत्यांच्या संपर्कात असते. सरत्या वर्षाच्या निमित्ताने नुकतेच जुईने सोशल मीडियावर एक सेगमेंट घेतले. या सेगमेंटमध्ये जुईने चाहत्यांना मी माझे कोणते फोटो पोस्ट करावे असे तुम्हाला वाटते? असा प्रश्न विचारला होता. या प्रश्नाला अनेक चाहत्यांनी भन्नाट उत्तरे दिली आहे. काहींनी जुईला तिच्या श्रीमंत पेशवा बाजीराव मस्तानी मालिकेतील भूमिकेचा फोटो शेअर करण्याची मागणी केली तर काहींनी सायली व अर्जूनचा अनसीन फोटो शेअर कर, अशी मागणी केली. मात्र, एका चाहत्याने केलेल्या मागणीने सगळ्यांचे लक्ष वेधून घेतले.
या सेगमेंटमध्ये एका चाहत्याने सायलीला तुझ्या लग्नाचा फोटो शेअर करत अशी मागणी केली. चाहत्याच्या या मागणीला सायलीनेही कितव्या लग्नाचा असे म्हणतं भन्नाट उत्तर दिले आहे. सायलीच्या या उत्तराने पुन्हा तिच्या लग्नाच्या चर्चांना उधाण आले आहे. गेल्या काही दिवसांपासून जुईच्या लग्नाची चांगलीच चर्चा रंगली होती. ४ फेब्रुवारी २०२४ला जुई लग्न करणार असल्याचे सांगण्यात येत होते. मध्यंतरी जुईने या चर्चांवर प्रतिक्रियाही दिली होती. जुई म्हणालेली “मी ४ फेब्रुवारीला लग्न करणार नाहीये. कृपया अफवांवर विश्वास ठेवू नका. अनेकदा अफवांमुळे कलाकारांना अनेक गोष्टींचा सामना करावा लागतो.”
हेही वाचा-
जुईच्या कामाबद्दल बोलायचे झाले तर ‘पुढचं पाऊल’ या मालिकेतून ती प्रसिद्धीझोतात आली. या मालिकेत तिने साकारलेली कल्याणी ही भूमिका प्रेक्षकांना खूपच आवडली होती. तसेच श्रीमंत पेशवा बाजीराव मस्तानी, माझिया प्रियाला प्रीत कळेना, तुझविन सख्या रे, मालिकांमधील जुईची भूमिका चांगलीच गाजली. मालिकांव्यतरिक्त जुईने बिग बॉस मराठीमध्ये सहभाग घेतला होता. मध्यंतरीच्या काळात आजारपणामुळे जुईने अभिनय क्षेत्रातून ब्रेक घेतला होता. मात्र, आता पुन्हा तिने छोट्या पडद्यावर दमदार पुनरागमन केले आहे.
