Tharla Tar Mag Maha Episode Promo : ‘ठरलं तर मग’ मालिकेत गेल्या काही दिवसांपासून अर्जुन-सायलीमध्ये कुटुंबीयांमुळे दुरावा आल्याचा सीक्वेन्स चालू आहे. प्रियाने मोठा कट रचून सायली-अर्जुनच्या कॉन्ट्रॅक्ट मॅरेजचं भांडं सुभेदार कुटुंबीयांसमोर उघड केलं. यामुळे कल्पना चिडून सायलीला घराबाहेरचा रस्ता दाखवते. सायलीला घराबाहेर काढल्यावर अर्जुन प्रचंड अस्वस्थ होतो. इतकंच नव्हे तर सायलीच्या सगळ्या आठवणी घरातून पुसून टाकण्याचा प्रयत्न प्रिया करते. तिचं राहिलेलं सगळं सामान चैतन्यमार्फत घराबाहेर काढलं जातं. हे सगळं पाहून अर्जुन प्रचंड संतापतो.
एकीकडे सुभेदारांच्या घरी या सगळ्या घटना सुरू असताना दुसरीकडे, मधुभाऊ सुद्धा सायलीकडून यापुढे अर्जुनच्या संपर्कात राहायचं नाही असं वचन घेतात. अर्जुन भर एसटी स्टॅण्डवर गुडघ्यावर बसून सायलीला प्रपोज करतो पण, तरीही मधुभाऊंना दिलेल्या वचनामुळे सायली त्याला काहीच उत्तर देत नाही. मिसेस सायलीने आपल्याला काहीच उत्तर का दिलं नाही? असा प्रश्न अर्जुनला सुद्धा पडतो. सध्या आपल्या बायकोला भेटण्यासाठी अर्जुन वारंवार चाळीत म्हणजेच मधुभाऊंच्या घरी येत असल्याचं पाहायला मिळत आहे.
अर्जुन भाजीवाल्याकडे सायलीसाठी चिठ्ठी पाठवतो, इतकंच नव्हे, तर पुढची संक्रांत मी आणि मिसेस सायली एकत्र साजरी करतो असं वचन सुद्धा तो मधुभाऊंना देतो. या सगळ्यात आता मालिकेत नवीन ट्विस्ट येणार आहे. ‘ठरलं तर मग’ मालिकेचा महाएपिसोड येत्या १९ जानेवारीला प्रसारित केला जाणार आहे.
महाएपिसोडमध्ये काय घडणार?
‘ठरलं तर मग’ मालिकेत गुंडांशी मारामारी करताना अर्जुन दिसेल. अर्जुनला झालेल्या जखमा पाहून सायलीचा जीव कासावीस होतो. ती मधुभाऊंना विनंती करून मला त्यांच्याजवळ जाऊद्या… असं सांगत असते. पण, मधुभाऊंनी सायलीचा हात धरलेला असतो. इतक्यात, गुंड अर्जुनवर मागून वार करतात. यामुळे त्याची शुद्ध हरपते आणि तो खाली पडतो. अर्जुनला या अवस्थेत पाहून सायली प्रचंड अस्वस्थ होते…ती पटकन मधुभाऊंचा हात झटकते आणि अर्जुनकडे जाते.
शुद्ध हरपलेल्या अर्जुनला ती म्हणते, “अर्जुन सर माझं पण तुमच्यावर खूप प्रेम आहे.” बायकोचे हे शब्द ऐकून अर्जुन पटकन शुद्धीवर येतो आणि तिला मिठीत घेतो. ‘ठरलं तर मग’ मालिकेत आता खऱ्या अर्थाने सायली-अर्जुनच्या लव्हस्टोरीला सुरुवात होणार आहे. त्यामुळे प्रेक्षकांनी या प्रोमोवर कौतुकाचा वर्षाव केला आहे.
