‘कन्यादान’, ‘सातव्या मुलीची सातवी मुलगी’ या मालिकांतून घराघरांत पोहोचलेली अभिनेत्री अमृता बने गेल्या काही महिन्यांपासून आपल्या वैयक्तिक आयुष्यामुळे चर्चेत आहे. एप्रिल महिन्यात अमृताने शुभंकर एकबोटेशी लग्नगाठ बांधली आणि ‘कन्यादान’ मालिकेतील हे ऑनस्क्रिन कपल सात जन्माचे साथी झाले.
अमृता बने सोशल मीडियावर कायम सक्रिय असते. अभिनयाव्यक्तिरिक्त वैयक्तिक आयुष्यातले क्षणदेखील सोशल मीडियाद्वारे ती चाहत्यांबरोबर शेअर करत असते.
आता ‘कन्यादान’फेम अभिनेत्री वेगळ्याच कारणामुळे चर्चेत आहे. अमृताने सोशल मीडियावर शेअर केलेल्या एका फोटोमुळे चाहत्यांचं लक्ष वेधून घेतलंय. अमृताने शेअर केलेल्या या फोटोमध्ये तिच्या पायावर गेटवे ऑफ इंडियाचा टॅटू काढलेला दिसत आहे, तर दुसर्‍या फोटोत ती गेटवे ऑफ इंडियाच्या बाहेर उभी राहिलेली दिसतेय. “मेरी जान” असं कॅप्शन अमृताने या फोटोंना दिलं आहे. अमृताचा हा टॅटू तेजस्वी प्रभुळकर हिने काढला आहे.
अमृताने शेअर केलेल्या या फोटोंमध्ये अभिनेत्रीने काळ्या आणि सफेद रंगाचं शॉर्ट जंपसूट घातलं आहे. अभिनेत्रीचा हा फोटो सोशल मीडियावर तुफान व्हायरल होतोय. फोटो व्हायरल होताच चाहत्यांनी यावर कमेंट्सचा वर्षाव केला आहे. एकाने कमेंट करत लिहिलं, “मुंबईची पोरगी, बेस्ट पोरगी”; तर दुसऱ्याने कमेंट करत लिहिलं, “खूप छान.” या फोटोला अभिनेत्रीने “मुंबई मेरी जान” हे गाणं जोडलं आहे.
दरम्यान, अमृताच्या वैयक्तिक आयुष्याबद्दल सांगायचं झालं तर तिची आणि शुभंकरची पहिली भेट ही ‘कन्यादान’ या मालिकेच्या सेटवरच झाली होती. अमृता आणि शुभंकरने नोव्हेंबर महिन्यात साखरपुडा उरकत चाहत्यांना आनंदाची बातमी दिली होती. एप्रिल महिन्यात शाही विवाहसोहळा पार पाडत दोघं लग्नबंधनात अडकले.
साखरपुडा, व्याही भोजन, मेहंदी, हळद आणि लग्न या सगळ्याचे फोटो अभिनेत्रीने सोशल मीडियावर शेअर केले होते आणि ते मोठ्या प्रमाणात व्हायरल झाले होते. तर हनिमूनसाठी हे कपल व्हिएतनामला गेलं होतं. लग्नसोहळ्यातील फोटोंप्रमाणेच दोघांचे हनिमूनचे फोटोदेखील सोशल मीडियावर मोठ्या प्रमाणात व्हायरल झाले होते.
