मराठी मालिका विश्वातील कलाकारांना आज दुःखद धक्का बसला. ‘तुझ्यात जीव रंगला’ फेम अभिनेत्री कल्याणी कुरळे-जाधवला कोल्हापूर सांगली महामार्गावर एका ट्रॅक्टरने धडक दिली. या अपघातामध्ये कल्याणीचा जागीच मृत्यु झाला. कल्याणीच्या निधनानंतर कलाकार हळहळ व्यक्त करत आहेत. राज्याचे उच्च आणि तंत्रशिक्षण मंत्री चंद्रकांत पाटील यांनी कल्याणीच्या निधनानंतर ट्वीट केलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आणखी वाचा – Video : “व्यक्ती सोडून गेल्यावर…” ‘तुझ्यात जीव रंगला’ फेम कल्याणी कुरळेचा मृत्यूच्या एक दिवसापूर्वीचा ‘तो’ व्हिडीओ व्हायरल

कल्याणी सोशल मीडियावर अधिक सक्रिय होती. तिने काही दिवसांपूर्वी कोल्हापूर सांगली महामार्गावरील हालोंडी सांगली फाटा या ठिकाणी एक हॉटेल सुरु केलं होतं. कल्याणी प्रगतीच्या मार्गावर असताना ही दुःखद घटना घडली.

चंद्रकात पाटील यांनी ट्वीट करत म्हटलं की, “तुझ्यात जीव रंगला फेम कोल्हापूरची अभिनेत्री कल्याणी जाधव हिच्या अपघाती निधनाची दुःखद बातमी कळली. या प्रसंगी आम्ही जाधव कुटुंबियांच्या दुःखात सहभागी आहोत. कल्याणीच्या आत्म्यास शांती लाभो, हीच ईश्वरचरणी प्रार्थना. ओम शांती.”

आणखी वाचा – ‘तुझ्यात जीव रंगला’ फेम कल्याणी कुरळेला डंपरची धडक, अभिनेत्रीचा जागीच मृत्यू

कल्याणी कुरळे ही छोट्या पडद्यावरुन प्रसिद्धीझोतात आली होती. तिने ‘झी मराठी’ वाहिनीवरील ‘तुझ्यात जीव रंगला’ या मालिकेत सहाय्यक व्यक्तिरेखेची भूमिका साकारली होती. यामुळे तिला घराघरात ओळख मिळाली. त्याबरोबर तिने ‘सन मराठी’ या वाहिनीवरील ‘दख्खनचा राजा ज्योतिबा’ या मालिकेतही काम केलं होतं.