चारुलताच भुवनेश्वरी! अक्षराची शंका खरी ठरली, ‘त्या’ गोष्टीमुळे मास्तरीण बाईंनी अचूक ओळखलं; मालिकेत काय घडणार? पाहा प्रोमो

अधिपती केवळ भुवनेश्वरीलाच आपली आई मानत असतो. त्यामुळे तो चारुलतापासून कायम अंतर राखून वागत असतो. एकीकडे या गोष्टी सुरू असताना दुसरीकडे दुर्गेश्वरीची कारस्थानं सुरूच असतात. मात्र, दुर्गेश्वरीला शिक्षा करण्यापेक्षा तिला माफ करणं चारुलता जास्त योग्य समजते. तिच्या या निर्णयाचा सर्वांनाच धक्का बसतो.

हेही वाचा : मृणाल कुलकर्णी झळकणार ‘पैठणी’ चित्रपटात! सोबतीला असेल Bigg Boss 18 मधली ‘ही’ अभिनेत्री, तुम्ही ओळखलंत का?

अक्षराला सुद्धा चारुलताच्या वागण्याबाबत शंका येते. ती अधिपतीला सांगते, “आईंनी मावशींना एवढ्या सहज माफ केलं, मला त्यांच्या माफ करण्यात सहजता जाणवली. आईंना मावशींबरोबर काहीतरी जवळीक जाणवली असणार” हळुहळू घरात वावरणारी व्यक्ती कोण आहे? भुवनेश्वरी की चारुलता… याबद्दल अक्षराच्या मनात संभ्रम निर्माण होऊ लागतो. अशातच तिला बाजारात फिरताना भुवनेश्वरीची झलक दिसते. मात्र, अक्षरा मागे जाताच भुवनेश्वरी डोळ्यासमोरून दिसेनाशी होते. या सगळ्यात सासूबाईंच्या कानातल्यांकडे अक्षराचं नीट लक्ष जातं आणि ती घरी ( Tula Shikvin Changalach Dhada ) येते.

सूर्यवंशीच्या घरात चारुलता आणि चारुहास यांचं पुन्हा लग्न लावण्याचा घाट घातलेला असतो. चारुलताशी संवाद साधताना अक्षराला बाजारात भुवनेश्वरीच्या कानात पाहिलेले अगदी सेम टू सेम तसेच कानातले चारुलताच्या कानात दिसतात. यामुळे तिला मोठा धक्का बसतो. या कानातल्यांमुळे दोघी वेगळ्या नसून चारुलताच भुवनेश्वरी आहे अशी खात्री अक्षराची होते.

हेही वाचा : “घन:श्यामवर कोणीच विश्वास ठेऊ नये, तो प्रचंड…”, जान्हवीने स्पष्टच सांगितलं; सूरज चव्हाणच्या लग्नाबद्दल म्हणाली…

एवढे दिवस सूर्यवंशींच्या घरी भुवनेश्वरीच चारुलता होऊन वावरत असते. अक्षराची शंका खरी ठरल्यामुळे ती घडल्याप्रकाराची माहिती अधिपतीला देते. तसेच भुवनेश्वरीच खोटी चारुलता म्हणून वावरत असल्याने काही करून त्यांचं बाबांबरोबर लग्न होता कामा नये. आपण हे लग्न थांबवलं पाहिजे असं अक्षरा अधिपतीला सांगते.

Tula Shikvin Changalach Dhada : प्रतीक्षा संपली! भुवनेश्वरी पुन्हा येणार…; अक्षराला दिसणार सासूबाईंची झलक, ‘या’ दिवशी असणार विशेष भाग, पाहा प्रोमो

आता चारुलता आणि चारुहासचं लग्न अक्षरा थांबवू शकेल का..? याचा उलगडा ९ नोव्हेंबरच्या विशेष भागात होणार आहे. दरम्यान, ‘तुला शिकवीन चांगलाच धडा’ ( Tula Shikvin Changalach Dhada ) ही मालिका दररोज रात्री ८ वाजता ‘झी मराठी’ वाहिनीवर प्रसारित केली जाते.