अखेर तो क्षण आला, तुळजाला झाली प्रेमात पडल्याची जाणीव; ‘लाखात एक आमचा दादा’ मालिकेत नवीन वळण

अखेर तो क्षण आला, तुळजाला झाली प्रेमात पडल्याची जाणीव

झी मराठी वाहिनीने इन्स्टाग्रामच्या अधिकृत अकाउंटवर ‘लाखात एक आमचा दादा’ मालिकेचा प्रोमो शेअर केला आहे. या व्हिडीओच्या सुरुवातीला एक महिला तुळजाला म्हणते, “अगं सणावाराला तुझ्या गळ्यात एकच मणी?”, त्यावर तेजश्री म्हणते, “तिचं मंगळसूत्र वाढलंय सकाळी.” त्यानंतर तुळजाची आई म्हणते, मंगळसूत्र वाढणं अशुभ असतंय. लवकरात लवकर दुरुस्त करून घे. त्यानंतर सूर्या त्याच्या सासरी म्हणजेच तुळजाच्या घरी गाडीवरून येताना दिसतो. त्याला पाहताच तुळजाचा भाऊ शत्रू म्हणतो, हा आलाय पठ्ठ्या घेऊ याला टप्प्यात, असे म्हणून तो हातातली जळकी काडी फटाके ठेवलेल्या ठिकाणी फेकतो. सगळे फटाके फुटू लागतात, तुळजा तिथेच असते. ती घाबरते आणि ओरडत म्हणते, “वाचवा, कुणीतरी वाचवा.” तिथे सूर्या येतो आणि तिच्या डोक्यावर कपडा टाकतो. त्यानंतर तुळजा मनातल्या मनात म्हणते, “सूर्या मी तुझ्या प्रेमात पडली आहे, आय लव्ह यू सूर्या.” पुढे या व्हिडीओमध्ये पाहायला मिळते की, सूर्या तुळजाला मंगळसूत्र देत म्हणतो, “मंगळसूत्र, अगं हेच द्यायला आलो होतो मी.” तुळजा त्याला म्हणते, “हे मंगळसूत्र तू माझ्या गळ्यात घालशील?” तिच्या या बोलण्यानंतर सूर्या तुळजाच्या गळ्यात मंगळसूत्र घालताना दिसत आहे.”

आणखी वाचा

“मी फार प्रेमात…”, लग्नात प्रवीण तरडेंकडे स्नेहल तरडेंनी मागितलेली ‘ही’ गोष्ट; म्हणाल्या, “आयुष्यात कधीही…”

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

पृथ्वीक प्रताप लग्नबंधनात अडकल्यावर भेटीला पोहोचला प्रथमेश परब! नवीन जोडप्यासह शेअर केला फोटो; म्हणाला, “मेरे भाई…”

“‘बाईपण भारी देवा’च्या रिलीजनंतर मी म्हटलं होतं…” रोहिणी हट्टंगडी यांनी सांगितली आठवण

घटस्फोटित अन् एका मुलाची आई असलेल्या किरण यांच्या प्रेमात पडले होते अनुपम खेर, ‘अशी’ झाली होती पहिली भेट

“तिला वाचवा, ती मरेल”, एवढं बोलून प्रियकर कोसळला; रक्ताच्या थारोळ्यात प्रेयसीला पाहून प्रियकराचा ओढवला मृत्यू!

पत्नीला पहिल्या पतीपासून झालेल्या मुलाला स्वीकारलं; मात्र अनुपम खेर यांना स्वतःचं मूल नसल्याची खंत, म्हणाले, “तो…”

अग्रलेख: न्यायदेवता… न्यायप्रियता!

ा

हा व्हिडीओ शेअर करताना झी मराठी वाहिनीने, “तुळजालाही लागतेय प्रेमाची चाहूल…!”, अशी कॅप्शन दिली आहे.

मालिकेत दाखविल्याप्रमाणे तुळजाचे सूर्याबरोबरचे लग्न हे तिच्या मर्जीविरुद्ध झाले होते. आता मात्र तुळजा सूर्याच्या प्रेमात पडताना दिसत आहे.

हेही वाचा: Video: ‘बिग बॉस मराठी’ फेम निक्की तांबोळी-अरबाज पटेलने दिवाळीनिमित्ताने शेअर केला खास व्हिडीओ, राखी सावंतच्या प्रतिक्रियेने वेधलं लक्ष

दरम्यान, ‘लाखात एक आमचा दादा’ या मालिकेतील सगळीच पात्रे त्यांच्या वेगळेपणामुळे सर्वांचे लक्ष वेधून घेत असतात. मालिकेत पुढे काय होणार, तुळजा तिच्या मनातल्या भावना सूर्याला सांगणार का, हे पाहणे महत्त्वाचे ठरणार आहे.