तुनिषाने शर्माने बॉयफ्रेंडच्या त्रासाला कंटाळून केली आत्महत्या? नातेवाईकांच्या आरोपांमुळे खळबळ

आत्महत्या केलेली अभिनेत्री तुनिषा शर्मा होती गरोदर? बॉयफ्रेंडचा उल्लेख करत पोलिसांच्या सुत्रांनी दिली धक्कादायक माहिती

तुनिषाच्या एका जवळच्या नातेवाईकाने एबीपी न्यूजशी बोलताना सांगितले की, “मालिकेतील सह-कलाकार शिझान तुनिषाचा छळ करत होता. शिझान तुनिषाचा खूप जवळचा मित्र होता, पण त्याने अचानक तिच्याशी बोलणं सोडून दिलं होतं, त्यामुळे ती नैराश्यात होती. मागच्या आठवडाभरापासून शिझान तिला त्रास देत असल्याचे तुनिषा सांगत होती. आम्ही शिझानशी बोललो होतो आणि तिला त्रास देऊ नकोस, असं सांगितले होतं. याबाबत आम्ही पोलिसांकडे तक्रारही केली आहे.”

दरम्यान, जागतिक पुरुष दिनाच्या दिवशी तुनिषाने इन्स्टाग्रामवर एक पोस्ट केली होती. त्यात तिने शिझानबरोबरचा फोटो शेअर करत त्याला शुभेच्छा दिल्या होत्या. “मला अशाच प्रकारे उंचावणाऱ्या माणसाला आंतरराष्ट्रीय पुरुष दिनाच्या शुभेच्छा! माझ्या आयुष्यातील सर्वात मेहनती, पॅशनेट, अत्यंत उत्साही आणि सर्वात सुंदर माणूस! तू काय आहेस, हे तुला माहित नाही आणि हिच सर्वात सुंदर गोष्ट आहे. पुरुषांनी आपल्या कुटुंबासाठी आणि समाजासाठी केलेले योगदान आणि त्याग ओळखण्याची आणि त्यांचा सन्मान करण्याची हीच वेळ आहे! सर्व पुरुषांना आंतरराष्ट्रीय पुरुष दिनाच्या शुभेच्छा!”, असं कॅप्शन तिने या पोस्टला दिलं होतं.

तुनिषा शर्मा ‘अली बाबा दास्तान ए काबुल’चे शूटिंग करत होती. चहाच्या ब्रेकदरम्यान तुनिषा टॉयलेटमध्ये गेली आणि बराच वेळ बाहेर आली नाही, त्यानंतर दरवाजा तोडण्यात आला. यावेळी तुनिषाने गळफास घेऊन आत्महत्या केल्याचं समोर आलं. त्यानंतर तिला रुग्णालयात नेण्यात आलं, पण वाटेतच तिचा मृत्यू झाला.