‘बिग बॉस ओटीटी’फेम उर्फी जावेद ही कायमच तिच्या कपड्यांमुळे आणि बोल्ड अंदाजामुळे चर्चेत असते. तिचा फॅशन सेन्स आणि ड्रेस नेहमीच चर्चेत असतात. उर्फी ही तिच्या हटके स्टाइलने अनेकदा नेटकऱ्यांचे लक्ष वेधून घेते. गेल्या काही दिवसांपासून उर्फी जावेद ही सातत्याने चर्चेत आहे. तिच्या अतरंगी फॅशनमुळे ती अनेकदा वादातही सापडली आहे. उर्फीचा एक नवीन व्हिडीओ सध्या सोशल मीडियावर व्हायरल होत आहे. सेल्फी घेण्यासाठी आलेल्या चाहत्यांकडे उर्फीने एक भलतीच मागणी केली आहे. तिचा हा व्हिडीओ सोशल मीडियावर व्हायरल होत आहे. या व्हिडीओवरून नेटकऱ्यांनी तिला ट्रोल करायला सुरुवात केली आहे.
उर्फी जावेदला विमानतळावर काही चाहत्यांनी घेरले आणि तिच्याकडे सेल्फीची मागणी केली. या वेळी तिने पिवळ्या रंगाचा वनपीस घातला होता. मात्र, चाहत्यांचा गराडा पाहून उर्फी अस्वस्थ झाली. ‘पैसे कोणीही देत नाही, फक्त सेल्फी घेण्यासाठी येतात,’ म्हणत तिने चाहत्यांकडे पैशांची मागणी केली.
उर्फीच्या या व्हिडीओवरून नेटकऱ्यांनी तिला ट्रोल करायला सुरुवात केली आहे. ‘ही सामान्य कपड्यात चांगली दिसते, मग उलटेसुलटे कपडे का घालते?’ असा प्रश्न एका यूजरने विचारला आहे. तर ‘ही अजूनही भीक मागत आहे,’ म्हणत एका नेटकऱ्याने उर्फीला ट्रोल केले आहे.
हेही वाचा- ‘Rodies’च्या शूटिंगला ब्रेक! प्रिन्स नरुलाने रिया चक्रवर्तीला दिली धमकी, दोघांमध्ये टोकाचे वाद?
उर्फी जावेदने नुकतीच एका कार्यक्रमात बॉलीवूडची ज्येष्ठ अभिनेत्री झीनत अमानची भेट घेतली. दोघींच्या भेटीचा व्हिडीओही सोशल मीडियावर व्हायरल झाला होता. या व्हिडीओवरूनही उर्फीला ट्रोल करण्यात आले आहे. अनेक नेटकऱ्यांनी या व्हिडीओवर मजेशीर कमेंट केल्या आहेत.
