‘महाराष्ट्राची हास्यजत्रा’ हा कार्यक्रम घराघरांत लोकप्रिय आहे. मार्च महिन्यात या कार्यक्रमाची संपूर्ण टीम ऑस्ट्रेलिया टूरवर गेली होती. परदेशातील प्रेक्षकांना खळखळून हसवून त्यांचं मनोरंजन करण्यासाठी अनेकदा हास्यजत्रेतील कलाकार परदेश दौऱ्यावर जात असतात. याठिकाणी या सगळ्या कलाकारांनी मिळून धमाल केल्याचं अनेक व्हिडीओजमध्ये पाहायला मिळालं. सध्या वनिता खरात आणि पृथ्वीक प्रतापचा असाच एक व्हिडीओ चर्चेत आला आहे.
ऑस्ट्रेलियाच्या समुद्रकिनारी वनिता खरात आणि पृथ्वीक प्रताप जबरदस्त डान्स करत असल्याचं या व्हिडीओमध्ये पाहायला मिळत आहे. सलमान खानच्या २००० मध्ये प्रदर्शित झालेल्या ‘दुल्हन हम ले जाएंगे’ या चित्रपटातील “प्यार दिलों का मेला है…” या लोकप्रिय गाण्यावर हास्यजत्रेतील विनोदवीरांची ही जोडी थिरकली आहे.
वनिता आणि पृथ्वीकचा ऑस्ट्रेलियाच्या समुद्रकिनारी एकदम बॉलीवूड अंदाज पाहायला मिळाला. “सूचना – हा डान्स म्युझियम मध्ये ठेवण्यात येणार आहे.” असं कॅप्शन देत अभिनेत्याने हा व्हिडीओ चाहत्यांबरोबर शेअर केला आहे.
हेही वाचा : ऐश्वर्या नारकरांनी दिला आठवणींना उजाळा, शेअर केला लेकाबरोबरचा जुना फोटो; म्हणाल्या, “संतूर आई…”
वनिता-पृथ्वीकचा ऑस्ट्रेलियातील समुद्रकिनारी करण्यात आलेला डान्स पाहून नेटकऱ्यांनी कमेंट्सचा पाऊस पाडला आहे. शिवाली परब, प्रियदर्शनी इंदलकर, रसिका वेंगुर्लेकर, हेमांगी कवी या कलाकारांनी देखील त्यांच्या या व्हिडीओवर प्रतिक्रिया दिल्या आहेत. याशिवाय “जास्त viral करू नका Oscar मिळायचा नाहीतर”, “भांडुपचा शाहरुख सलमानच्या गाण्यावर नाचतोय”, “तिकडे श्रीलंका अजून लांब जायला लागलीय..तुमच्या तांडवान”, “जबरदस्त…” अशा कमेंट्स या व्हिडीओवर त्यांच्या चाहत्यांनी केल्या आहे.
