Bigg Boss Season 17 Grand Finale Updates: ‘बिग बॉस’च्या १७व्या पर्वाचा आज शेवटचा दिवस आहे. १०० दिवसांचा प्रवास आज संपणार आहे. सध्या महाअंतिम सोहळा सुरू असून सगळ्यांचं लक्ष विजेता कोण होणार? याकडे लागलं आहे. अंकिता लोखंडे, मुनव्वर फारुकी, अभिषेक कुमार, मनारा चोप्रा आणि अरुण माशेट्टी या टॉप पाचमधून एक सदस्य विजेता ठरणार आहे. सोशल मीडियावर अनेक तर्कवितर्क लावले जात आहेत. पण आता रात्री १२ वाजता सलमान खान विजेता घोषित करणार आहे. अशातच महाअंतिम सोहळ्यातील विकी जैनचा सना खान, आयशा खानबरोबरचा डान्स व्हिडीओ समोर आला आहे.
‘बिग बॉस १७ लाईव्ह’ या एक्स अकाउंटवर विकी जैन, सना खान व आयशा खानचा डान्स व्हिडीओ शेअर करण्यात आला आहे. ज्यामध्ये भारती सिंह, ओरी दिसत आहेत.
दरम्यान, ओरीने विक्की, सना व आयशाला रॅम्पवॉक करण्यासाठी बोलावलं होतं. पण तिघांनी डान्स केला. सनी लिओनीच्या ‘लैला में लैला’ या गाण्यावर विक्की, सना व आयशा डान्स करताना पाहायला मिळाले. तिघांचा हा डान्स व्हिडीओ चांगलाच चर्चेत आला आहे.
दरम्यान, माहितीनुसार, अरुण माशेट्टी ‘बिग बॉस १७’च्या स्पर्धेतून बाहेर झाला आहे. आता अंकिता लोखंडे, मुनव्वर फारुकी, अभिषेक कुमार, मनारा चोप्रा हे टॉप चार सदस्य राहिले आहेत. या चौघांपैकी कोणाच नाव ‘बिग बॉस १७’च्या ट्रॉफीवर कोरलं जाणार? हे पाहणं उत्कंठावर्धक असणार आहे.
