‘आई कुठे काय करते’ मालिकेच्या माध्यमातून गेली कित्येक वर्ष मधुराणी प्रभुलकर अरुंधती म्हणून प्रेक्षकांच्या मनावर अधिराज्य गाजवत आहे. मधुराणीने आपल्या सहजसुंदर अभिनयाने प्रेक्षकांची मनं जिंकली आहेत. त्यामुळे ती आज अनेक महिलांची आयडॉल झाली आहे.
हेही वाचा – “चौकातल्या पोराला फिल्मफेअर”, प्रवीण तरडेंची खास पोस्ट पाहून देवेंद्र गायकवाड भावुक, म्हणाले, “पदोपदी…”
२०१९ पासून सुरू झालेल्या ‘आई कुठे काय करते’ मालिकेत सध्या अरुंधतीचा नवा प्रवास सुरू आहे. अशातच नुकतीच अरुंधती म्हणजेच मधुराणी प्रभुलकर ‘मिरची मराठी’च्या ‘गप्पांची मिसळ’ या कार्यक्रमात सहभागी झाली होती. यावेळी तिला विचारलं गेलं की, अरुंधतीच्या भूमिकेने तुला कोणत्या गोष्टी नव्याने शोधायला भाग पाडलं. यावर मधुराणी म्हणाली, “मी सलग चार-सव्वा चार वर्ष रोज १३ तास काम करून शकेन, एवढी क्षमता माझ्यामध्ये आहे हा माझा मला शोध लागला. मी खूप अशी मुलगी आहे की, चोखंदळचं काम करेल आणि मी तशीच होते. कारण मालिका करायला भावनिक, मानसिक, शारिरीक ताकद लागते.”
“चित्रपट करताना तुम्हाला माहित असतं की, मला इथे तणमन सगळं अर्पण करायचं आहे. पण हे काही दिवसांनी संपणार आहे. मालिका सातत्याने सुरू आहे. तसंच तुमच्या आयुष्यातही सतत काहींना काहीतरी घडतं असतं. मी असं म्हणत नाही की, घरोघरी असंच सुरू असतं. पण अगदी छोट्या छोट्या गोष्टींमध्ये आपल्या देखील भावनांचा चढ-उतार होतं असतो. त्यात तुम्हाला रोज उठून त्याचं तन्मयतेने काम करायचं आहे. आपण एवढ्या जणांच्या, जणींच्या मनात घर करू शकतो. आपला अभिनय इतक्या जणांचं आयुष्य बदल शकतो याचा नव्याने मला शोध लागला, असं मला वाटतं,” असं मधुराणी म्हणाली.
