अमिताभ बच्चन ‘कौन बनेगा करोडपती’ सोडणार का? सासऱ्यांच्यी जागा सून घेणार? प्रसिद्ध अभिनेता, क्रिकेटरची लागू शकते वर्णी

इंडियन इंस्टिट्युट ऑफ ह्युमन ब्रँड्स (Indian Institute of Human Brands (IIHB)) आणि रिफ्युजन ऑफ रेड लॅब(Rediffusion’s Red Lab) यांनी घेतलेल्या सर्वेक्षणानुसार, जर अमिताभ बच्चन यांनी निवृत्ती घेतली. तर त्यांच्या जागी कोण सूत्रसंचालन करणार, या प्रश्नावर चाहत्यांनी उत्तरे दिली. चाहत्यांनी शाहरुख खान आणि ऐश्वर्या राय-बच्चन यांच्या नावाला सर्वाधिक पसंती दिली. तर, तिसऱ्या स्थानावर महेंद्रसिंग धोनीचे नाव होते. या सर्वेक्षणामध्ये ७६८ जणांनी सहभाग घेतला होता, ज्यामध्ये ४०८ पुरुष आणि ३६० स्त्रियांचा समावेश होता. या सर्वेक्षणाच्या अहवालाबाबत चर्चा सुरू आहेत. मात्र, याबाबत अमिताभ बच्चन किंवा ‘कौन बनेगा करोडपती’चे निर्माते यापैकी कोणीही वक्तव्य केलेले नाही.

‘कौन बनेगा करोडपती’चा शो अमिताभ बच्चन २००० सालापासून होस्ट करीत असल्याचे पाहायला मिळत आहे. आता ते १६ व्या सीझनचे सूत्रसंचालन करीत असल्याचे पाहायला मिळत आहे. नुकत्याच झालेल्या एपिसोडमध्ये त्यांनी ते निवृत्ती घेत नसल्याचे स्पष्ट केले होते. त्यांनी म्हटले होते की, माझी कामावर जाण्याची वेळ झाली होती. जेव्हा मी सेटवरून पहाटे २ वाजता निघतो तेव्हा घरी पोहोचेपर्यंत १-२ तास लागतात. ते लिहिताना मला झोप लागली. त्यामुळे ते तसेच राहिले. जाण्याची वेळ झाली, असे लिहिले आणि मी झोपी गेलो.

कामाच्या बाबतीत बोलायचे, तर अमिताभ बच्चन याआधी वेट्टैयन चित्रपटात दिसले होते. आता ते आगामी काळात कोणत्या चित्रपटात दिसणार हे पाहणे महत्त्वाचे ठरणार आहे.