श्रेयस तळपदेने सांगितली पहिल्या पुरस्काराची आठवण; पत्नी म्हणाली, “अभिमान वाटतो…”

श्रेयस तळपदे त्याच्या पत्नीसह झी चित्र गौरव २०२५ साठी उपस्थित राहिला. त्यावेळी त्याने ‘टेलिगप्पा’ या यूट्यूब चॅनेलशी संवाद साधला. झी चित्र गौरव पुरस्कर सोहळ्याबद्दल बोलताना त्याने म्हटले, “या निमित्ताने सगळे मित्र भेटतात. वरिष्ठ, दिग्गज असे सगळेच कलाकार भेटतात. झीची खासियत ही आहे की, पहिल्यापासूनच घरचा सोहळा वाटतो, त्यामुळे इथे यायला छान वाटतं. जेव्हा तुम्ही त्याचा भाग असता, त्याचा उत्साह जास्त असतो.”

श्रेयसला त्याच्या पहिल्या पुरस्काराविषयी विचारण्यात आले. यावेळी बोलताना अभिनेत्याने म्हटले, “राज्य सरकारचा पहिला पुरस्कार मिळाला होता, ‘रेशीमगाठ’ नावाचा चित्रपट होता. ‘रेशीमगाठ’ हा शब्द माझ्यासाठी शुभ ठरलेला आहे, तर मला आठवतं की चीची भैय्या म्हणजे गोविंदा सर आणि शाहरुख खान यांच्या हस्ते मला तो पुरस्कार मिळाला होता. मला खूप आनंद झाला होता. ती ट्रॉफी खूप जड होती. प्रत्येक पुरस्कार हा पाठीवर थाप असते आणि ती नेहमीच लक्षात राहते”, असे म्हणत पहिल्या पुरस्कराची श्रेयसने आठवण सांगितली आहे.

श्रेयसला त्याच्या आगामी प्रोजेक्टबद्दल विचारले असता त्याने म्हटले, “‘हाऊसफुल ५’, ‘बागी ४’, ‘द इंडिया स्टोरी’ आणि अजून एक दोन फिल्म्स आहेत. नुकताच ‘इमर्जन्सी’ हा चित्रपट प्रदर्शित झाला. पुढे ‘पुष्पा २’साठी श्रेयस तळपदेचे कौतुक होताना दिसते. हे पाहिल्यानंतर दिप्तीच्या काय भावना आहेत, असे विचारले. यावर बोलताना श्रेयसच्या पत्नीने दिप्तीने म्हटले, “खूप छान वाटतं. अभिमान वाटतो. हे सगळं बघून कधी कधी भरून येतं, मला छान वाटतं”, अशा भावना व्यक्त केल्या आहेत.

दरम्यान, अभिनेता श्रेयस तळपदेने पुष्पा चित्रपटातील पुष्पा या भूमिकेला आवाज दिला आहे, आता त्याच्या नवीन चित्रपटातून तो कोणत्या भूमिकेतून प्रेक्षकांच्या भेटीला येणार हे पाहणे महत्वाचे ठरणार आहे,