झी मराठी वाहिनीवर ‘माझी तुझी रेशीमगाठ’ मालिका प्रेक्षक आवडीने पाहतात. अल्पावधीतच या मालिकेने प्रेक्षकांचे मन जिंकले. बॉलिवूडचा मराठमोळा चेहरा श्रेयस तळपदे याने बऱ्याच वर्षानंतर मालिका क्षेत्रात पाऊल ठेवले. आई मुलीची नात्याची गोष्ट या मालिकेत दाखवण्यात आली आहे. अभिनेत्री प्रार्थना बेहरे पहिल्यांदाच एका वेगळ्या भूमिकेत दिसत आहे. मालिकेमध्ये प्रत्येक पात्र त्यांना आपलेसे वाटू लागले. मध्यंतरी ही मालिका बंद होणार असल्याचे म्हटले जात होते. मिळालेली ही माहिती खोटी असल्याचे निर्मात्यांनी स्पष्ट केले होते. या मालिकेची लोकप्रियता पाहता या मालिकेचा रिमेक बनत आहे. कन्नड भाषेत या मालिकेचा रिमेक होणार आहे . या मालिकेचे कन्नड भाषेत नाव असणार आहे 'सीथा रामा'. झी कन्नड वाहिनीने नुकताच एक प्रोमो शेअर केला आहे. सध्या ‘माझी तुझी रेशीमगाठ’ मालिकेमध्ये नवा ट्विस्ट आला आहे. यश आणि नेहाच्या अपघात झाला असल्याचा ट्रॅक सुरु आहे. अपघातामध्ये यशला गंभीर दुखापत होते, तर नेहाचे निधन होते. नेहाच्या जाण्याचा यश आणि परी यांच्या आयुष्यावर झालेला परिणाम मागच्या काही भागांमध्ये दाखवण्यात आला आहे. याच सुमारास मालिकेमध्ये प्रार्थनाची एंट्री झाली असून अनुष्का हे नवे पात्र साकारत असल्याचे लक्षात येत आहे.
