‘झी मराठी’वर सुरू होणार ‘लक्ष्मी निवास’! कन्नड मालिकेचा रिमेक, प्रमुख भूमिकांसाठी ‘या’ दोन नावांची चर्चा

“स्वत:च्या घराचं स्वप्न बघणाऱ्या प्रत्येकाची गोष्ट…‘घर नावाचं स्वप्न’ कुणी पाहिलं तर कुणी जगलं…लक्ष्मी निवास लवकरच येतेय तुमच्या भेटीला…” असं सांगत नव्या मालिकेची पहिली झलक प्रेक्षकांसमोर आली आहे. यामध्ये बॅकग्राऊंडला घर बनत असल्याचं पाहायला मिळतं. तर, जुन्या काळातील स्कूटरवर बसून एक जोडपं या घराकडे मोठ्या आशेने पाहत असल्याचं दिसतं. या नव्या मालिकेचं नाव आहे ‘लक्ष्मी निवास’. ही कौटुंबिक विषयावर आधारलेली मालिका कन्नड मालिकेचा रिमेक आहे.

हेही वाचा : आर्याने निक्कीच्या थेट कानाखाली वाजवली! दोघींमध्ये जोरदार वाद; ‘बिग बॉस’ देणार शिक्षा; म्हणाले, “हे अतिशय निंदनीय…”

‘झी मराठी’वर सुरू होणार नवीन मालिका

‘झी मराठी’ ( Zee Marathi ) वाहिनीवरील ही आगामी ‘लक्ष्मी निवास’ मालिका, ‘झी कन्नडा’ची टीआरपी टॉपर मालिका ‘लक्ष्मी निवासा’चा मराठी रिमेक आहे. ‘लक्ष्मी निवास’मध्ये प्रमुख भूमिकेत कोण झळकणार याचा खुलासा अद्याप वाहिनीकडून करण्यात आलेला नाही. मात्र, या पहिल्या प्रोमोला प्रसिद्ध अभिनेत्री हर्षदा खानविलकर यांनी व्हॉइस ओव्हर दिल्याचं अगदी प्रोमो ऐकल्यावर लगेच लक्षात येतं. त्यामुळे प्रमुख भूमिकेत त्या झळकणार असल्याच्या चर्चा सर्वत्र रंगल्या आहेत.

हेही वाचा : वर्षभरानंतर ‘झी मराठी’ची ‘सारं काही तिच्यासाठी’ मालिका घेणार प्रेक्षकांचा निरोप! अभिनेत्याने पोस्ट शेअर करत दिला दुजोरा

‘राजश्री मराठी’ला सूत्रांनी दिलेल्या माहितीनुसार प्रसिद्ध अभिनेत्री हर्षदा खानविलकर आणि ज्येष्ठ अभिनेते तुषार दळवी या ‘झी मराठी’वर ( Zee Marathi ) एकत्र झळकणार असल्याची शक्यता आहे. मात्र, यावर शिक्कामोर्तब करण्यात आलेला नाही. आता या नव्या मालिकेला प्रेक्षकांचा कसा प्रतिसाद मिळणार हे पाहणं महत्त्वाचं ठरणार आहे.

हेही वाचा : गणेशोत्सवात अभिनेत्री वंदना गुप्ते यांची प्रेक्षकांसाठी खास भेट; ‘पार्वती नंदना’ अल्बम प्रदर्शित होताच म्हणाल्या, “आपल्या नातवाला…”

दरम्यान, ‘लक्ष्मी निवास’ ( Zee Marathi ) या नव्या मालिकेच्या प्रसारणाची तारीख अन् वेळ लवकरच ‘झी मराठी’ वाहिनीकडून जाहीर करण्यात येईल. आता या कौटुंबिक मालिकेत नेमके कोण-कोण कलाकार झळकणार हे पाहणं उत्सुकतेचं ठरणार आहे. याशिवाय सध्या छोट्या पडद्यावरील प्रत्येक मालिकांमध्ये टीआरपीसाठी चढाओढ सुरू असल्याचं पाहायला मिळत आहे. त्यामुळे या मालिकेला प्रेक्षक कसा प्रतिसाद देणार हे पाहणं जास्त महत्त्वाचं ठरणार आहे.