‘झी मराठी’वर सुरू होणार ‘लक्ष्मी निवास’! हर्षदा खानविलकर अन् तुषार दळवी प्रमुख भूमिकेत, पाहा पहिला प्रोमो

‘लक्ष्मी निवास’ ( Zee Marathi ) या मालिकेत हर्षदा खानविलकर आणि तुषार दळवी यांच्या प्रमुख भूमिका असतील याचा अंदाज नेटकऱ्यांनी आधीच बांधला होता. त्यानुसार पहिल्या प्रोमोची झलक समोर आल्यावर नेटकऱ्यांचा अंदाज अचूक ठरल्याचं समोर आलं आहे. आपलं हक्काचं घर असावं असं स्वप्न पाहणारं वयोवृद्ध जोडपं लक्ष्मी आणि श्रीनिवास यांच्या आयुष्यावर बेतलेली गोष्ट म्हणजे ‘लक्ष्मी निवास’.

हेही वाचा : Zee Marathi Awards : आईच नंबर वन चाहती! एजेचा ऑटोग्राफ घेण्यासाठी आणली डायरी, राकेश म्हणाला…; पुरस्कार मिळताच मायलेक झाले भावुक

‘लक्ष्मी निवास’ मालिकेचा पहिला प्रोमो आला समोर

आपलं हक्काचं घर असावं असं प्रत्येकाचं स्वप्न असतं आणि तेच स्वप्न लक्ष्मी अन् श्रीनिवास यांनी पाहिलेलं असतं. मालिकेच्या प्रोमोमध्ये हे दोघंही एका जुन्या स्कूटरवरून प्रवास करताना दिसतात. कुटुंब, नोकरी, मुलींची थाटामाटात लग्न, पैशांची जुळवाजूळव या सगळ्या जबाबदाऱ्या निभावून आता लक्ष्मी आणि श्रीनिवास हक्काचं घर कसं बांधणार याचा प्रवास मालिकेतून ( Zee Marathi ) प्रेक्षकांना पाहायला मिळणार आहे.

हेही वाचा : Bigg Boss 18 मध्ये मोठा ट्विस्ट! डबल एव्हिक्शनमध्ये ‘हे’ दोन सदस्य घराबाहेर, सलमान खान घेणार अविनाश मिश्राची शाळा

हेही वाचा : Video : ‘अमी जे तोमार’वर माधुरी-विद्याची जबरदस्त जुगलबंदी! ५७ वर्षीय ‘धकधक गर्ल’च्या दिलखेचक अदांनी सारेच झाले थक्क…

हेही वाचा : ‘झी मराठी’च्या ‘लक्ष्मी निवास’ मालिकेत झळकणार ‘ही’ जोडी! ‘त्या’ दोघांना तुम्ही ओळखलंत का? नेटकऱ्यांकडून कमेंट्सचा पाऊस

“एकमेकांच्या साथीने आणि एकमेकांच्या सोबतीनेच बनतं ‘लक्ष्मीनिवास’!” असं कॅप्शन देत झी मराठी वाहिनीने याचा पहिला प्रोमो प्रेक्षकांबरोबर शेअर केला आहे. ही मालिका केव्हा व कधी सुरू होणार याबद्दल कोणतीही माहिती अद्याप दिलेली नाही. मात्र, या कौटुंबिक मालिकेत ( Zee Marathi ) दमदार कलाकरांची मांदियाळी प्रेक्षकांना पाहायला मिळणार आहे.