झी मराठी वाहिनीवरील ‘तू तेव्हा तशी’ मालिका सध्या प्रचंड चर्चेत आहे. अभिनेता स्वप्निल जोशी व अभिनेत्री शिल्पा तुळसकर या मालिकेमध्ये मुख्य भूमिकेमध्ये आहेत. सध्या ही मालिका रंजक वळणावर आहे. सौरभ (स्वप्निल जोशी) व अनामिका (शिल्पा तुळसकर) यांच्या नात्यामध्ये आता नवा ट्विस्ट आला आहे. सौरभ-अनामिकामध्ये प्रेमाचे वारे वाहू लागले आहेत. दोघंही लग्न न करताच एकत्र राहणार आहेत.
मध्यंतरी सौरभ-अनामिकामध्ये मतभेद झाले असल्याचं पाहायला मिळालं. त्यामध्येच अनामिकाच्या नवऱ्याची (अशोक समर्थ) एंट्री झाल्यानंतर मालिकेच्या कथानकाने वेगळं वळण घेतलं होतं. आता सौरभ-अनामिकाने लिव्हइनमध्ये राहण्याचा निर्णय घेतला आहे. सौरभच्या माई मावशीने दोघांनाही लिव्हइनमध्ये राहायचं असेल तर घर सोडण्याचा सल्ला दिला.
माई मावशीच्या सल्ल्यानंतर सौरभ-अनामिकाने त्यांच्या नवीन घरामध्ये प्रवेश केला आहे. पण यांची नवीन घरातील एंट्री आणि त्यादरम्यानच्या सीनने मात्र प्रेक्षकांचं लक्ष वेधून घेतलं आहे. लग्न न करताच अनामिकाने पायात जोडवी घातली असल्याचं मालिकेमध्ये दाखवण्यात आलं आहे, शिवाय नव्या नवरीप्रमाणे तिने सौरभसह नव्या घरात गृहप्रवेश केला आहे.
आणखी वाचा – “माझा बॉयफ्रेंड होता तरीही…” अभिनेत्री शिल्पा तुळसकरचा अफेअरबाबत खुलासा
लग्नानंतरच्या रिती-परंपरा लिव्हइनमध्येच राहून दोघंही पूर्ण करत आहेत. लग्नानंतर स्त्री परिधान करत असलेला कोणताच दागिना अनामिकाने घातला नाही. फक्त जोडवी घालून ती गृहप्रवेश करताना दिसत आहे. लग्नाचा कोणताही सीन न दाखवता अनामिकाने फक्त जोडवी घातल्याचं पाहून प्रेक्षकही गोंधळले आहेत.
