छोट्या पडद्यावर प्रचंड लोकप्रियता मिळालेल्या कार्यक्रमांपैकी एक कार्यक्रम म्हणजे तुला पाहते रे. या मालिकेमुळे अभिनेता सुबोध भावेला एक वेगळी ओळख मिळाली. या मालिकेत सुबोधने विक्रांत सरंजामे ही भूमिका साकारली होती. तर अभिनेत्री गायत्री दातारने या मालिकेत इशा निमकरची भूमिका साकारली होती. नुकतंच या मालिकेबद्दल दक्षिण आफ्रिकेत राहणाऱ्या एका व्यक्तीने प्रतिक्रिया दिली आहे. सुबोध भावेने नुकतंच इन्स्टाग्रामवर एक स्टोरी शेअर केली आहे. यात त्याने तुला पाहते रे ही मालिका पाहणाऱ्या एका चाहत्याच्या कमेंटवर प्रतिक्रिया दिली आहे. तुला पाहते रे ही मालिका दक्षिण आफ्रिकेत प्रचंड लोकप्रिय ठरत आहे. या मालिकेबद्दल एका चाहत्याने प्रतिक्रिया दिली आहे.आणखी वाचा : श्रेयस तळपदेकडून नव्या चित्रपटाची घोषणा, माजी मुख्यमंत्र्यांची पत्नी झळकणार प्रमुख भूमिकेत "मी सर्व दक्षिण आफ्रिकेतील लोकांतर्फे तुमचे आभार मानतो. याचे कारण म्हणजे आम्ही सर्व तुमची तुला पाहते रे ही मालिका पाहतो. या मालिकेचे भाषांतर करण्यात आले आहे. यातून खूप मनोरंजक कथा आम्हाला पाहायला मिळते. आम्हाला तुमचा आणि तुमच्या संपूर्ण टीमचा खूप खूप अभिमान वाटतो. तुम्हाला सांगून खरं वाटणार नाही, पण मी या मालिकेचा एकही भाग चुकवत नाही. जेव्हा तुम्ही बिपीन आणि ईशा या दोघांना एकत्र पाहता आणि चिडता, तो मालिकेचा भाग मला प्रचंड आवडला. मिस्टर भावे, तुम्ही खरंच उत्कृष्ट काम केलं आहे. आम्हाला तुम्ही प्रचंड आवडता. दीर्घायुष्यी व्हा. धन्यवाद", अशी प्रतिक्रिया या मालिकेच्या चाहत्याने दिली आहे. सुबोध भावे पोस्ट त्यावर अभिनेता सुबोध भावेनेही प्रतिक्रिया देत चाहत्यांचे आभार मानले आहेत. "आता तुला पाहते रे ही मालिका दक्षिण आफ्रिकेतही प्रसिद्ध झाली आहे. मला दक्षिण आफ्रिकेत राहणाऱ्या अनेकांकडून या मालिकेबद्दल प्रतिक्रिया देणारे मेसेज येतात", असे सुबोधने म्हटले आहे. आणखी वाचा : ‘महाराष्ट्राची हास्यजत्रा’ फेम अभिनेत्री नम्रता संभेरावचे पती झळकणार चित्रपटात, नाव आले समोर दरम्यान 'तुला पाहते रे' या मालिकेने प्रेक्षकांच्या मनावर राज्य केलं. ही मालिका घराघरात लोकप्रिय ठरली होती. या मालिकेमध्ये सुबोध भावेने विक्रांत सरंजामे ही व्यक्तिरेखा साकारली. तर गायत्री दातारने इशा निमकर आणि राजनंदिनी सरंजामे या व्यक्तिरेखा उत्कृष्टरित्या साकारल्या. त्यामुळेच ही मालिका प्रेक्षकांच्या पसंतीत उतरली होती.
