”माझं कोल्हापूर लवकर पूर्ववत होवो, हीच अंबाबाई चरणी प्रार्थना”

“कोल्हापूरातील माझ्या पुरग्रस्त बांधवांना परिस्थितीशी सामना करण्याची ताकद देवो आणि लवकरात लवकर माझं कोल्हापूर पूर्ववत होवो, हीच आई अंबाबाई चरणी प्रार्थना”, असं म्हणत अवधूतने कोल्हापूरच्या महालक्ष्मीला साकडं घातलं आहे.

दरम्यान, पंचगंगा नदी बुधवारी धोकापातळीपेक्षा १३ फूट अधिक उंचीवरून वाहात होती. तर अन्य नद्यांनी महापुराचा नवा विक्रम नोंदवला. या नद्यांचे पाणी कोल्हापूर शहराबरोबरच नदीकाठच्या शेकडो गावांमध्ये शिरलं आहे. यामुळे हजारो घरे पाण्याखाली गेली आहेत. एनडीआरएफ, नौदल, लष्करासह स्थानिक तरुणांनी या भागात मदतकार्य सुरू केले आहे.