थलपती विजय तमिळ सिनेसृष्टीतील आघाडीचा अभिनेता आहे. विजय आता अभिनय सोडून कायमचा राजकारणात जाणार आहे. त्याने यासंदर्भात आधीच घोषणा केली आहे. विजयने ही घोषणा करण्यापूर्वी जेवढे चित्रपट साईन केले होते, तेवढे तो करणार आहे. त्यानंतर अभिनयाला कायमचा रामराम करून तो राजकारणात स्थिरावणार आहे, असं त्यानेच सांगितलं आहे. थलपतीचा नुकताच 'GOAT' सिनेमा प्रेक्षकांच्या भेटीला आला आहे. हा त्याचा शेवटून दुसरा सिनेमा आहे, म्हणजेच यानंतर तो प्रेक्षकांना त्याच्या आगामी चित्रपटात अखेरचा मोठ्या पडद्यावर पाहायला मिळेल. दाक्षिणात्य सिनेसृष्टीतील अ‍ॅक्शन हिरो म्हणून ओळखला जाणारा अभिनेता थलपती विजयचा गोट सिनेमा ५ सप्टेंबरला बॉक्स ऑफिसवर प्रदर्शित झाला. या चित्रपटाने जबरदस्त ओपनिंग केली होती. त्यानंतर त्याच्या कमाईत थोडी घसरण झाली पण रविवारी पुन्हा एकदा चित्रपटाने चांगले कलेक्शन केले. सिनेमाने पहिल्या दिवशी जगभरात तब्बल ४३ कोटींची कमाई केली होती. हेही वाचा- मुंबईत २० कोटींमध्ये घेतलेला बंगला कंगना रणौत यांनी ‘इतक्या’ कोटींना विकला, कोणी केला खरेदी? जाणून घ्या द इंडियन एक्सप्रेसने दिलेल्या वृत्तानुसार, 'गोट' या दाक्षिणात्य सिनेमाने चौथ्या दिवशी ३४.२ कोटींची कमाई केली आहे. चार दिवसात या चित्रपटाचे एकूण कलेक्शन २८५ कोटी झाले आहे. विजयच्या या सिनेमाला फक्त तामिळमध्येच नाही तर संपूर्ण देशभरातील प्रेक्षकांची पसंती मिळत आहे. सिनेमा प्रदर्शित होण्याआधीच प्रेक्षकांनी सिनेमाचं प्रिबुकींग केलं होतं. विजयच्या सिनेमाला या अमेरिकेतील प्रेक्षकांचादेखील भरभरुन प्रतिसाद मिळत आहेत. हेही वाचा- Video : अंकिता लोखंडेच्या घरी बाप्पा विराजमान, फुगडी घालत ‘अग्निपथ’मधील गाण्यावर धरला ठेका, व्हिडीओ व्हायरल या सिनेमात थलपती विजय याने एका गुप्तहेराची भूमिका साकारली आहे. गोट (GOAT) म्हणजेच 'द ग्रेटेस्ट ऑफ ऑल टाइम' या सिनेमाचं दिग्दर्शन व्यंकट प्रभू यांनी केलं आहे. या सिनेमात थलपती विजय बरोबर प्रभु देवा, स्नेहा, अजमल अमीर, वैभव, लैला, मोहन, अरविंद आकाश, अजय राज, मीनाक्षी चौधरी, योगी बाबू हे कलाकर मंडळी देखील मुख्य भूमिकेत आहे. प्रेक्षकांचा विजयच्या 'गोट' सिनेमाला मिळणारा प्रतिसाद पाहता स्त्री २ नंतर बॉक्स ऑफिसवर सर्वाधिक कमाई करणारा ठरेल, अशी चिन्हं दिसत आहेत.
