करीनाच्या दुसऱ्या मुलाला सोशल मीडियावर गरजेपेक्षा जास्त महत्व दिले जाते- आदर्श गौरव

आदर्श आणि संजनाने नुकतीच ‘बाय इंव्हाईट ओनली’ सीजन २ ला भेट दिली. या वेळी रेनिल अब्राहमने त्या दोघांना अनेक प्रश्न विचारले. ‘आता पर्यंत भेटलेली सर्वात कंटाळवाणी सेलिब्रिटी कोण आहे?’ असा प्रश्न संजनाला विचारण्यात आला. त्यावर उत्तर देत संजना म्हणली, “असे लोक जे भेटल्यावर आपल्याविषयी प्रश्न विचारत नाही तर, त्यांच्या विषयी सांगतात. आणि मला वाटतं की ही एक भयानक गोष्ट आहे.” त्यावर रेनिल म्हणाला की ‘मग तर ९० टक्के इंडस्ट्री तशी आहे.’ त्यावर हसत संजना बोलते की ‘ते कंटाळवाणे आहेत मग.’

त्यानंतर, कोणत्या सेलिब्रिटीला सोशल मीडियावर जास्त महत्व दिले जाते? असा प्रश्न विचारता आदर्श म्हणाला. “मला असं वाटतं की करीना कपूर खानचा दुसरा मुलगा.”

“तुला कोणत्या अभिनेत्रीला पोल डान्स करताना बघायला आवडले?” यावर आदर्शने उत्तर दिले की, “जॅकलिन फर्नांडिस कारण ती एक उत्तम डान्सर आहे.”

आणखी वाचा : ‘यांचा रुपयाही घेऊ नका’, अमिताभ यांना २ कोटी परत देण्याची परमिंदर सिंग यांची मागणी

आदर्शने ‘द व्हाईट टायगर’ या चित्रपटात मुख्य भूमिका साकारली होती. या चित्रपटात त्याच्यासोबत मुख्य भूमिकेत प्रियांका चोप्रा आणि राजकुमार राव होते. तर, संजनाने सुशांत सिंग राजपुतच्या ‘दिल बेचारा’ या चित्रपटात काम केले होते.