Video : रिसेप्शन कपिल शर्माचे आणि सरप्राइज मिळाले रणवीर-दीपिकाला

बॉलिवूडमधील मित्रमंडळींसाठी कपिलने मुंबईत दुसऱ्या रिसेप्शनचं आयोजन केलं होतं. या रिसेप्शनला रेखा, रणवीर सिंग, दीपिका पदुकोण असे मोठेमोठे कलाकार उपस्थित राहिले. आश्चर्याची गोष्ट म्हणजे, कपिलच्या रिसेप्शन पार्टीत एका दुसऱ्याच जोडीला सरप्राइज मिळालं. ही जोडी म्हणजे रणवीर सिंग आणि दीपिका पदुकोण. दीपिका आणि कपिलची खास मैत्री सर्वांनाच ठाऊक आहे. आपल्या चित्रपटाच्या प्रमोशनसाठी ती नेहमी कपिलच्या शोमध्ये हजेरी लावायची. त्यामुळे मित्राच्या रिसेप्शनलाही ती पतीसह आवर्जून उपस्थित राहिली.

See more

वाचा : ‘ठाकरे’ चित्रपट सेन्सॉरच्या कचाट्यात

या पार्टीत रणवीर- दीपिकासाठी कपिलने खास केक ठेवला होता आणि तो केक कापण्यासाठी त्याने दोघांनाही विनंती केली. स्वत:च्या रिसेप्शन पार्टीत आमच्यासाठी केक ठेवल्याने रणवीरनेही त्याने मन:पूर्वक आभार मानले. दीप-वीर केक कापताना गायक मिका सिंगने रणवीरचं प्रसिद्ध ‘खलीबली’ हे गाणं गायलं.