Total Dhamaal box office collection : बॉक्स ऑफिसवर कमाईची धमाल!

दोन दिवसांत या चित्रपटानं ३६.९० कोटींची कमाई बॉक्स ऑफिसवर केली आहे. पहिल्या दिवशी या चित्रपटानं १६.५० कोटी तर दुसऱ्या दिवशी २०.४० कोटींची कमाई केली आहे. बारावीच्या परीक्षा सुरू आहेत तर दुसरीकडे दहावीच्या परीक्षाही सुरू होणार आहे. परीक्षांच्या काळात किंवा सुट्ट्या नसताना निर्माते चित्रपट प्रदर्शित करत नाही. परीक्षांच्या काळात अनेकदा चित्रपट व्यवसायास फटका बसतो असं निर्माते मानतात. त्यामुळे परीक्षांच्या काळात मोठे चित्रपट सहसा बॉलिवूडमध्ये प्रदर्शित होत नाही मात्र टीम ‘टोटल धमाल’नं हाच काळ प्रदर्शनासाठी निवडला.

#TotalDhamaal sets BO on on Day 2… Metros/plexes join the party, thus contributing to an impressive total… Will score bigger numbers on Day 3, since families/kids are patronising it… Eyes ₹ 60 cr [+/-] weekend… Fri 16.50 cr, Sat 20.40 cr. Total: ₹ 36.90 cr.

— taran adarsh (@taran_adarsh) February 24, 2019

विकेंडला ‘टोटल धमाल’ चित्रपट ६० कोटींचा गल्ला जमवेल असा अंदाज वर्तवला जात आहे. आंतरराष्ट्रीय बॉक्स ऑफिसवर पहिल्या दिवशी ८ कोटींहून अधिकची कमाई या चित्रपटानं केली आहे.  ‘टोटल धमाल’ चित्रपटासमोर रणवीर आलियाच्या ‘गली बॉय’चं आव्हान असणार आहे. गली बॉयनं आतापर्यंत १११.२५ कोटींचा गल्ला बॉक्स ऑफिसवर जमवला आहे.