‘बाजीराव-मस्तानी’च्या प्रदर्शनात अडथळे; ‘पिंगा’, ‘मल्हारी’ गाणे वगळण्याची पेशवेंची मागणी

‘पिंगा’ आणि ‘मल्हारी’ गाणे वगळता येत नसेल तर गाण्यांचे चित्रीकरण तरी बदलण्यात यावे. त्याशिवाय चित्रपट प्रदर्शित करण्यात येऊ नये. तसेच, प्रदर्शनापूर्वी चित्रपट आम्हाला दाखविला जावा, अशीही मागणी उद्यसिंह यांनी केली आहे.

याआधीही पेशवे यांच्या वंशजांकडून चित्रपटावर टीकेची झोड उठली होती. चित्रपटातील गाणी पाहता चित्रपटात तत्कालीन सांस्कृतिक संदर्भ आणि कथेचे विकृत चित्रीकरण करण्यात आले असल्याची टीका प्रसादराव पेशवे यांनी मुख्यमंत्री देवेंद्र फडणवीस यांना लिहिलेल्या पत्रात केली होती, तर काशीबाई आणि मस्तानी कधीचं एकत्र नाचल्या नव्हत्या, तसेच या गाण्यांमुळे इतिहासाचे विकृतीकरण झाल्याच्या प्रतिक्रिया लोकांनी दिल्या होत्या.