लेखक, दिग्दर्शक आणि अभिनेते प्रवीण विठ्ठल तरडे यांचा‘सरसेनापती हंबीरराव’ हा चित्रपट गेल्या काही दिवसांपासून सातत्याने चर्चेत आहे. काही दिवसांपूर्वी प्रदर्शित झालेल्या या चित्रपटाने बॉक्स ऑफिसवर तगडी कमाई केली आहे. रोखठोक संवाद आणि जबरदस्त अ‍ॅक्शनमुळे ‘सरसेनापती हंबीरराव’ या चित्रपटाचे सर्वत्र कौतुक करताना दिसत आहे. नुकतंच विशेष सरकारी वकील अॅड. उज्ज्वल निकम यांनी हा चित्रपट पाहिला. यावर त्यांनी प्रतिक्रिया दिली आहे.
सरसेनापती हंबीरराव या चित्रपटाच्या इन्स्टाग्रामवर एक पोस्ट शेअर करण्यात आली आहे. त्या पोस्टमध्ये त्यांनी एक व्हिडीओ शेअर केला आहे. “पद्मश्री मा. श्री. उज्वल निकम – विशेष सरकारी वकील भारत सरकार यांनी महाराष्ट्राचा महसिनेमा पहिल्या नंतर दिली प्रतिक्रिया”, अशी कॅप्शन त्यांनी या व्हिडीओला दिली आहे.
“आता मराठी चित्रपटही दाक्षिणात्य चित्रपटाप्रमाणे भव्य दिसतोय…”, प्रसिद्ध गायकाची ‘ती’ पोस्ट चर्चेत
उज्जवल निकम यांची प्रतिक्रिया
“हिंदवी स्वराज्याच्या स्थापनेकरिता ज्यांनी ज्यांनी आपल्या प्राणांची आहुती दिली अशा सर्व थोर महान योद्धांचे आज पुन्हा एकदा स्मरण. हंबीरराव मोहिते सरसेनापती यांच्या या चित्रपटाच्या निमित्ताने निश्चित होते. खरोखर या चित्रपटातील प्रत्येक कलाकाराने खरोखर प्राण ओतून काम केले आहे.
मला हा चित्रपट बघताना असं वाटत होतं की आपण त्या पूर्वीच्या काळात गेलो आहे आणि जय भवानी जय शिवाजी आणि शिवाजी महाराजांची आठवण येते. या चित्रपटाच्या निर्मात्यांना, कलाकारांना आणि दिग्दर्शकांना खूप खूप धन्यवाद”, असे अॅड उज्जवल निकम यांनी म्हटले आहे.
“…म्हणूनच बाप झाल्यापासून तू वेड्यासारखा वागतोय”, मिनाक्षी राठोडने पतीसाठी केलेली पोस्ट चर्चेत
प्रवीण विठ्ठल तरडे यांच्या बहुचर्चित ‘सरसेनापती हंबीरराव’या चित्रपटाद्वारे छत्रपती शिवाजी महाराज आणि छत्रपती संभाजी महाराज या दोन महान छत्रपतींच्या काळात स्वराज्याचे सरसेनापती होण्याचा बहुमान मिळालेले एकमेव सरसेनापती हंबीरराव मोहिते यांची कथा या निमित्ताने प्रेक्षकांना पाहायला मिळत आहे. अनेक चित्रपट समीक्षक, प्रेक्षक या चित्रपटाचे कौतुक करताना दिसत आहे. या चित्रपटात सरसेनापती हंबीरराव मोहिते यांची व्यक्तिरेखा स्वत: प्रवीण तरडे साकारली आहे.
