सोशल मीडिया सेन्सेशन उर्फी जावेद गेल्या अनेक दिवसांपासून चर्चेत आहे. भाजपा नेत्या चित्रा वाघ यांनी उर्फीवर कारवाईची मागणी केल्यानंतर त्यांच्यात वाद सुरू झाला आहे. उर्फीने तिच्या इन्स्टाग्राम स्टोरीमधून चित्रा वाघ यांना उत्तर दिलं होतं.
उर्फीच्या कपड्यावरुन वाद सुरू असतानाच तिने इन्स्टाग्रामवर अतरंगी कपड्यांमधील व्हिडीओ शेअर केला होता. भगव्या रंगाचे कपडे घालून बेशरम रंग गाण्यावर तिने डान्स केला होता. “नंगानाच सुरुच राहील”, असं म्हणत उर्फीने चित्रा वाघ यांन डिवचलं होतं. आता उर्फीचा बिकिनीतील बोल्ड व्हिडीओ समोर आला आहे.
उर्फीने तिच्या इन्स्टाग्राम अकाऊंटवरुन काळ्या रंगाची बिकिनी परिधान केलेला व्हिडीओ शेअर केला आहे. या व्हिडीओमध्ये तिने हातात बेड्या घातल्याचं दिसत आहे. “माझ्या हातात बेड्या घातलेलं तुम्हाला सगळ्यांनाच बघायचं होतं. तुमची इच्छा पूर्ण केली”, असं कॅप्शन उर्फीने पोस्टला दिलं आहे.
हेही वाचा>>Video: “कोल्हापूरला येण्यासाठी…”, जिनिलीयाने रितेश देशमुखसाठी घेतला खास उखाणा
हेही वाचा>> लग्नाच्या २३ वर्षांनंतर थलपथी विजयचा संसार मोडणार? पत्नीपासून घटस्फोट घेणार असल्याच्या चर्चा
चित्रविचित्र कपड्यांमध्ये फिरणाऱ्या उर्फी जावेदबाबत चित्रा वाघ आक्रमक झाल्या आहेत. तिच्यावर कारवाई करण्याची मागणी त्यांनी पोलिसांना केली आहे. याबाबत त्यांनी पत्रकार परिषद घेत महिला आयोग व अध्यक्षा रुपाली चाकणकर यांच्यावरही टीका केली आहे.
